Кыргызстандын Президентине Ош шаарын өнүктүрүү боюнча пландар айтылды -

Кыргыз Республикасынын Президенти Садыр Жапаров бүгүн Ош облусуна болгон кыска иш сапарынын алкагында түштүк борборду өнүктүрүүнүн пландары менен таанышты Ага шаардык чөйрөнү модернизациялоого багытталган негизги инфраструктуралык жана инвестициялык долбоорлор боюнча презентация көрсөтүлдү, анын ичинде аянты 22 миң чарчы метрден ашык жана 5,2 миң орунга эсептелген көп функционалдуу спорт аянтчасы Ош шаарынын мэри Жанарбек Акаев белгилегендей, бул жер жаштардын спорттук жана маданий иш-чараларын өткөрүү жайына айланат Мындан тышкары туристтерге жана кол өнөрчүлөргө багытталган этно-тарыхый комплекс куруу пландалууда. Анын аймагында парктар, тарыхый-маданий зоналар, соода зоналары болот. Ошондой эле мейманканаларды жана эл аралык франчайзингдин алкагында иштеген мектептин филиалын курууну баштоо пландалууда Мэр бул долбоорлор Ош шаарынын архитектуралык-эстетикалык көрүнүшүн өзгөртүп, заманбап жана инвестициялык жагымдуу имиджин түзөөрүн баса белгиледи Сунушталган долбоорлор менен таанышкан Садыр Жапаров аткарылган иштердин сапатына жана тартылган инвестициялардын натыйжалуу пайдаланылышына биринчи кезекте көңүл бурууну тапшырды