Талдыкорганда атасы үч жашар баласын сабап, төрт жылга эркинен ажыратылган

Үч жашар балага ырайымсыз мамиле жасаган Талдыкорган шаарынын тургуну төрт жылга эркинен ажыратылды. Бул иш боюнча өкүмдү шаардык сот чыгарды Окуя 2-февралда болгон.Андан кийин медициналык мекемеден үч жашар бала ар кандай жаракаттар менен ооруканага жаткырылгандыгы тууралуу билдирүү түшкөн Маалымат түшкөндөн кийин милиция кызматкерлери окуя болгон жерге барышып, окуянын чоо-жайын аныктап, шектүүнү кармашкан. Укук коргоо органдарынын маалыматы боюнча, ал баланын атасы болуп чыкты. Маалым болгондой, кармалган адам мас абалында болгон Жабыркаган балага керектүү медициналык жардам көрсөтүлгөн. Мындан кийин укук коргоо органдары сотко чейинки териштирүү иштерин баштады Жетисуу облустук ички иштер башкармалыгынан билдиришкендей, кылмыш иши кыйноо жана ур-токмокко алуу фактылары боюнча тергелди. Тергөө иштери аяктагандан кийин айыптоо корутундусу менен материалдар сотко өткөрүлдү "Бул факт 2-февралда болгон. Ыкчам-иликтөө иш-чараларынын жүрүшүндө кылмышка шектүүнүн өздүгү аныкталып, милиция кызматкерлери тарабынан кармалган. Бул факты боюнча кыйноо жана ур-токмокко алуу беренелери боюнча сотко чейинки тергөө амалдары жүргүзүлүп, тергөөнүн жыйынтыгы менен кылмыш иши айыптоо корутундусу менен сотко жөнөтүлгөн. Талдыкорган шаардык сотунун 29-майдагы өкүмү менен айыпталуучу 4 жылга эркинен ажыратылган", — деп айтылат маалыматта. полиция билдирди