Свердлов райондук администрациясынын кызматкерине кылмыш иши козголду

Бишкектин Свердлов райондук муниципалдык башкармалыгынын кызматкерине кылмыш иши козголду. Бул тууралуу Башкы прокуратуранын басма сөз кызматы билдирди Маалым болгондой, шаардыктар менен жолугушууда түшкөн кайрылуулардан кийин бир катар текшерүүлөр башталган Ошентип, Бишкек шаарынын Свердлов райондук муниципалдык башкармалыгынын кызматкери К.Ы.М кызмат абалынан пайдаланып материалдык пайда табууга шектелүүдө "Ал жеке ишкерден муниципалдык жер тилкесин мыйзамсыз пайдалангандыгы үчүн системалуу түрдө акча алган деп шектелүүдө. Мыйзамсыз аракеттердин натыйжасында жеке ишкерден жалпысынан 195 миң сом мыйзамсыз алынган", — деп айтылат маалыматта Бул факты боюнча КРнын Кылмыш-жаза кодексинин 337-«Кызматтык абалынан кыянаттык менен пайдалануу» жана 342-«Пара алуу» беренелери боюнча кылмыш иши козголду. Учурда керектүү тергөө амалдары жүргүзүлүүдө Башкы беттеги сүрөт иллюстративдик, архивден