Израиль Ливандагы шаарды басып алууга аз калды

Израилдик аскерлер Ливандын түштүгүндөгү Бинт Жубайл шаарын курчоого алууну аякташты. Бул тууралуу Израилдин Коргоо күчтөрүнүн Түндүк аскер округунун командачысы генерал-майор Рафи Мило билдирди "Акыркы күндөрү биз аймакты курчоого алып, шаардын ичинде иштей баштадык. Бул маанилүү операциялык маневр", - деди генерал Израил армиясынын басма сөз кызматы Анын билдирүүсүнө караганда, генерал Бинт Жубайлда аскерлер менен ыкчам жыйын өткөргөн. "Ошол эле учурда, Израилдин аскерлери коргонуунун бүт фронт сызыгын бойлото (Ливандын түштүгүндө), Хезболланын террордук инфраструктурасын жок кылууда. Биз коркунучтарды жок кылуу жана өлкөнүн түндүк аймактарынын тургундарынын коопсуздугун камсыз кылуу үчүн чечкиндүү аракеттерди улантабыз", - деди генерал Бинт Жубайл Израил менен чек арадан 4 чакырым түндүктө жайгашкан жана Хезболланын Ливандын түштүгүндөгү маанилүү чептүү аймактарынын бири катары каралат. Экинчи Ливан согушу маалында Израил армиясы 2006-жылдын жай айларында бул шаар үчүн Хезболла менен катуу салгылашкан, бирок анда аны ала алган эмес 2-марттан бери Израил Хезболлага каршы аскердик операция жүргүзүп, бул иранчыл топ жөөт мамлекетинин аймагына чабуул жасай баштаган. Израилдин аскер-аба күчтөрү бүткүл Ливандын объектилерине сокку урууда, кургактагы аскерлер республиканын түштүгүндө чабуул жасоодо