Хамас Газаны кайрадан көзөмөлгө алды

Израилдин армиясы жана коопсуздук күчтөрү ХАМАС ок атышпоо учурунда Газа тилкесинде жарандык башкарууну калыбына келтирип, “де-факто күч” позициясын дагы бир жолу бекемдөөгө жетишти деп эсептешет. Бул тууралуу Израилдин 12 каналы билдирди Кырдаалды жакшы билген булактардын айтымында, Израил Газага кирген гуманитардык жардамдын көлөмүн кыйла кыскартуу мүмкүнчүлүгүн талкуулап жатат. Израилдин коопсуздук системасы учурдагы камсыздоо көлөмү сектордун калкынын реалдуу муктаждыктарына жооп бербейт деп эсептейт 12-канал жарыялаган маалыматка караганда, Газа тилкесине күн сайын гуманитардык жүк ташыган 600дөй жүк ташуучу унаа кирет. Бирок Израилдин коопсуздук булактары анклавга кирген азык-түлүктүн көлөмү "БУУнун расмий методологиясы боюнча Газа үчүн зарыл болгон көлөмдөн төрт эсе көп" деп эсептешет Жардамдын көбүн ХАМАС көзөмөлдөйт, дешет коопсуздук кызматкерлери. Израилде бул топ соодагерлерден 15% дан 30%га чейин салык алып, андан түшкөн каражатты аскердик жана административдик инфраструктураны калыбына келтирүүгө жумшайт деп эсептешет. "Гуманитардык жардам калктын эсебинен жүз миллиондогон шекел алган ХАМАС үчүн экономикалык кыймылдаткыч болуп калды", - дешет Израил армиясынын булактары Израиль булактарынан алынган маалыматка караганда ок атышпоо учурунда Хамастын жарандык башкаруу түзүмдөрү, анын ичинде муниципалитеттер жана түрдүү бөлүмдөр сектордо кайрадан иштей баштады. Ошол эле учурда, булактар баса белгилегендей, ХАМАС Израилдин негизги талаптарынын бирин - куралсызданууну аткаруудан баш тартууну улантууда Булактардын айтымында, ортомчулар дагы эле келишимдердин биротоло бузулушуна жол бербөөгө аракет кылып жатышат, бирок Израилдин коопсуздук системасы азыркы кырдаал "чексиз улана албасын" ачык айтып жатат