Пашинян Астанага баруудан баш тартты

Армениянын премьер-министри Никол Пашинян 28-29-майда Астанада өтүүчү ЕАЭБ саммитине катышпайт. Бул тууралуу журналисттерге Армениянын премьер-министри билдирди. Мындай чечимин ал шайлоо өнөктүгү жүрүп жаткандыктан өлкөдөн чыга албай турганы менен түшүндүрдү Мындан тышкары, өкмөт башчы белгилегендей, ал азырынча өлкө Евробиримдикте же ЕАЭБде болушу керекпи деген тандоо боюнча референдум өткөрүү зарылчылыгын көрбөй жатат Буга чейин Пашинян Жогорку Евразиялык кеңештин жыйынында Александр Лукашенко менен болгон талаш-тартыштан кийин видеонун фрагментин өзүнүн Telegram-каналына жайгаштырып, Армениянын делегациялары ЕАЭБдин Беларустагы саммиттерине таптакыр катышпай калышы мүмкүн экенин билдирген «Армения Республикасынын делегациялары ЕАЭБдин Беларустагы саммиттерине аралыктан катышат же катышпайт», — деп жазган ал Чатак Пашинян армян делегациясы 2025-жылдын май айында Минскте өтө турган Жогорку Евразиялык экономикалык кеңештин кийинки жыйынына дистанциялык форматта катышат деп айткандан кийин башталган