Хакан Фидан: Ормуз кысыгынын статусу актуалдуу болуп калды

Тийиштүү демилге көтөрүлсө, Түркия Ормуз кысыгын минадан тазалоого жардам берүүгө даяр Бул тууралуу Түркиянын тышкы иштер министри Хакан Фидан Корея Республикасынын JTBC телеканалына берген маегинде билдирди "Биз чечим издөөнүн бир бөлүгү болууга жана эгер талап кылынса, каршылаш тараптардын ортосунда уланып жаткан процесске көмөктөшүүгө даярбыз. Демек, тараптардын ортосунда келишим түзүлсө же кысыкты миналардан тазалоо процессине салым кошууну суранса, биз буга кубанычта болобуз", - деп кошумчалады ал Ормуз кысыгынын толук ачылышынын келечегине токтолуп, Фидан башында АКШ менен Ирандын ортосундагы сүйлөшүүлөр өзөктүк маселелердин тегерегинде болгонун, бирок азыркы кырдаалды эске алганда Ормуз кысыгынын макамы дагы актуалдуу болуп калганын эске салды "Кээ бир эсептөөлөргө караганда, Ормуз кысыгы дагы бир нече ай жабык турса, кээ бир Африка өлкөлөрү азык-түлүк тартыштыгына дуушар болот. Бул ар бир адам үчүн глобалдык коркунучтуу түшкө айланат. Андыктан эки тарап тең Ормуз кысыгын ачууга көңүл буруп, андан соң өзөктүк сүйлөшүүлөргө өтүүгө ынтызар." Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат