Армениянын премьер-министри Пашинян Ереванда түрк желеги өрттөлүшүн айыптады: «Чагымчылдык»

Армениянын премьер-министри Никол Пашинян 23-апрелде борбор калаа Еревандагы жөө жүрүш маалында түрк желегин өрттөлүшүн айыптап, муну “чагым” деп атады Өлкөнүн расмий Armenpress агенттигинин маалыматына караганда, Пашинян Армениянын революциялык федерациясы уюштурган факел маршында түрк желегин өрттөгөнү ачык эле чагымчыл жана чыңалууну күчөткөн жүрүм-турум катары баалады Армениянын премьер-министрлигинин басма сөз катчысы Назели Багдасарян да маалымат жыйынын өткөрүп, жүрүштө болгондор тууралуу Armenpress агенттигинин суроосуна: «Премьер-министр Пашинян бул аракетти айыптап, жоопкерчиликсиз жана кабыл алынгыс деп мүнөздөйт»,-деп жооп берди Назели Багдасарян: «Мамлекет башчысы үчүн эл аралык деңгээлде таанылган мамлекеттин, өзгөчө коңшу өлкөнүн желегин өрттөшү башка баа берүүгө татыктуу эмес»,- деди Армянча аты Хай Хегапохакан Дашнакцутюн болгон бул түзүм жалпысынан түрк тилинде Армян революциялык федерациясы же кыскача Дашнаксутюн (же жалпы колдонууда дашнактар) деп аталат 1915-жылдын 24-апрелиндеги окуялардын бир жылдыгына чейин Дашнактардын жаштар отряддары мурда Ереванда беткапчан жүрүштөрдү уюштуруп, түрк желегин өрттөшкөн Быйылкы жөө жүрүш Арменияда 7-июнда боло турган жалпы шайлоого аз калганда дашнактар өкмөткө каршы риторикасын жана премьер-министр Пашинянды сындаган чөйрөдө өттү «Биздин расмий позициябыз армяндардын кыргынын эл аралык таануу бүгүнкү күндө биздин тышкы саясаттагы приоритеттердин катарына кирбейт», - деп айткан Пашинян март айында Еревандагы түрк журналисттеринин тобуна жасаган билдирүүсүндө Армян диаспорасына кайрылып, Пашинян алыскы бир өлкөнүн 1915-жылдагы окуяларды «геноцид» деп таануусу Армения мамлекетине жана элине коопсуздук, бакубатчылык жана тынчтык алып келбегенин айтты Пашинян: «Улуу трагедия болгон мезгил Армения Республикасы жок болгон мезгил болчу»,-деп сөзүн мындайча улантты: “Бүгүнкү күндө эл аралык таанылган Армения Республикасы бар жана бул эл аралык таанылган мамлекет өз жарандарынын коопсуздугун жана бакубаттуулугун камсыз кылуу мүмкүнчүлүгүнө ээ” Бул сөздөр Түркия менен Азербайжанда Пашиняндын эки өлкө менен болгон мамилесинде идеологиялык эмес, прагматикалык саясат жүргүзүүгө аракет кылып жатканы катары чечмеленди, бирок Армениянын премьер-министри өз өлкөсүндөгү оппозициянын сынына кабылды 24-апрель 1915-жылы Осмон дөөлөтүндөгү армян коомчулугунун көрүнүктүү ишмерлери Стамбулда камакка алынып, Чанкыры жана Аяшка сүргүнгө айдалган Бул дата Осмон империясынын армяндарга карата депортация саясатынын башталышы катары каралууда 1915-жыл бою жүз миңдеген армяндар акыры козголоң чыгарат деген жүйө менен күч менен жер которгон жана Сириянын какыраган аймактарына жөнөтүлгөн Бул мезгил ичинде жана андан кийин жүз миңдеген армян ачарчылык, оору жана зордук-зомбулуктун натыйжасында каза болду Армяндардын 1915-жылы Осмон Империясында каза болгондугун дүйнөнүн көп өлкөлөрү, өзгөчө Армения жыл сайын 24-апрелде «геноцид» деп сыпаттап эскерүүдө Түркия болсо Биринчи дүйнөлүк согушта болгондорду согуштун оор шарттарында башынан өткөргөн өз ара трагедия катары көрүп, болгондордун «геноцид» деп аныктала албастыгын баса белгилейт Анкара да Осмон доорунда армяндарга каршы системалуу түрдө өлтүрүү стратегиясы болбогонун баса белгилейт 2024-жылдын 24-апрелинде АКШнын ошол кездеги президенти Жо Байден 1915-жылдагы окуяларды "геноцид" деп мүнөздөгөн билдирүү жасады Ошол эле жылы кайрадан АКШнын президенти болуп шайланган Дональд Трамп 2025-жылдын 24-апрелиндеги билдирүүсүндө Осмон империясында ошол мезгилде болгон окуялар үчүн армянча «Улуу кырсык» дегенди билдирген «Медс Йегерн» деген сөздү колдонгон