Эрдоган: Аймак жеңил дем алды

Түркиянын президенти Режеп Тайып Эрдоган АКШ менен Ирандын ортосунда жаңжалды жөнгө салуу боюнча жетишилген келишимдерди кубаттады. Бул тууралуу Эрдоган өкмөт жыйынынан кийин элге кайрылуусунда билдирди "Кечээ түнү 28-февралда башталган согушту токтотуу үчүн абдан маанилүү кадам ташталды. АКШ менен Ирандын ортосундагы жаңжалды токтотуу боюнча келишимге жетишилгени жарыяланды. Ошентип, айлар бою чыңалууда болгон аймагыбыз жеңил дем алды Биз эң башынан эле Пакистан, Катар жана Сауд Аравиянын ортомчулук кылган аракеттерин катуу колдодук. Биз жетишилген макулдашууга канааттандык жана согуш барагы жабылат деп ишенебиз”,-деди түрк лидери Мунун алдында Пакистандын премьер-министри Шахбаз Шариф АКШ менен Ирандын ортосунда келишим түзүлгөнүн жарыялаган. Анын айтымында, документке 19-июнда Швейцарияда кол коюу пландалып, тараптар аскердик операцияларды токтоосуз токтотуу боюнча макулдашышкан