Энергетиктер алдын ала эскертишти: Бишкектеги Акчабардагы массалык өчүрүүнүн себеби аталды

Бишкекте 6-июндагы электр энергиянын ири өчүрүлүшүнө курулуш иштеринин жүрүшүндө 110 кВ жогорку чыңалуудагы “Парковая” – “Ала-Арча” электр чубалгысынын бузулушу себеп болгон. Ошол эле учурда энергетиктер коопсуздук талаптарын сактоо керектигин подрядчыларга алдын ала эскертишти Энергетикадан билдиришкендей, курулуш объектисинин өкүлдөрүнө расмий билдирүү 28-майда тапшырылып, анда электр чубалгыларына чейин белгиленген аралыкты бузуу менен иштерди жүргүзүүгө жол берилбестиги жана энергетика объектилерин коргоо чараларын көрүү зарылдыгы тууралуу эскертүү камтылган Бирок 6-июнь күнү HOWO үлгүсүндөгү жүк ташуучу унаа No23 жана 24 тирөөчтөрдүн ортосундагы тилкеде зымды бузуп, натыйжада авария болуп, борбор калаадагы айрым керектөөчүлөрдүн электр энергиясы убактылуу өчүрүлгөн Компания Парковая – Ала-Арча линиясы Бишкекти энергия менен камсыздоочу негизги объектилердин бири экенин баса белгиледи. Ал аркылуу шаардын ири көмөкчордондорунун ортосунда электр энергиясы өткөрүлүп, энергетика системасынын туруктуулугун камсыз кылууда Линия бузулгандан кийин релелик коргоо жана авариялык башкаруу приборлору автоматтык түрдө ишке киргизилген. Бул системалар олуттуураак технологиялык үзгүлтүккө жол бербөө үчүн иштелип чыккан, ошондуктан кээ бир керектөөчүлөр керектүү коммутация жана калыбына келтирүү иштери аяктаганга чейин электр энергиясы менен убактылуу чектелген Энергетиктер ошондой эле электр объектилеринин бузулушу адамдардын коопсуздугуна коркунуч келтирип, миңдеген керектөөчүлөрдүн электр жарыгы үзгүлтүккө учурашына алып келерин эске салышты. Кыргызстандын мыйзамдарына ылайык, күнөөлүү тарап келтирилген зыяндын ордун толтурууга тийиш. Окуя боюнча материалдар кошумча иликтөө үчүн ыйгарым укуктуу органдарга жөнөтүлөт Кабардар болуңуз! Биздин Telegramга жазылыңыз