Бишкектин райондук администрациясынын кызматкери ишкерден опузалап акча талап кылган

Бишкек шаардык прокуратурасы борбор калаанын тургундары менен жолугушууда түшкөн арыздар боюнча текшерүү жүргүздү Текшерүүнүн жүрүшүндө Бишкек шаарынын Свердлов райондук муниципалдык башкармалыгынын кызматкери К.Ы.М., материалдык пайда алуу максатында кызмат абалынан пайдаланып, жеке ишкерден муниципалдык жер тилкесин мыйзамсыз пайдалангандыгы үчүн системалуу түрдө акча алып жүргөндүгү аныкталган Мыйзамсыз аракеттердин натыйжасында жеке ишкерден 195 000 сом мыйзамсыз алынган Бул факты боюнча КР Кылмыш-жаза кодексинин 337 (кызматтык абалынан кыянаттык менен пайдалануу) жана 342 (пара алуу) беренелери боюнча кылмыш иши козголгон. Учурда керектүү тергөө амалдары жүргүзүлүүдө