Бишкектиктерди ачык асман алдындагы музыкалык кечелерге чакырабыз

Борбор калаанын тургундарын жана конокторун жайкы сезондо борбордук Ала-Тоо аянтында өтө турган ачык асман алдындагы музыкалык кечелердин сериясына чакырышат. Бул тууралуу Бишкек шаардык мэриясынын басма сөз кызматы билдирди Ар жума жана ишемби күндөрү Ала-Тоо аянтындагы фонтан топторунун жанында Кыргызстандын бай музыкалык жана маданий мурасын чагылдырган белгилүү чыгармачыл топтордун катышуусунда концерттик программалар уюштурулат Алгачкы музыкалык кече 5-июнда саат 19:00дө болот. Көрүүчүлөрдүн алдында «Кыргыз-руху» эстрадалык-фольклордук ансамбли чыгып, улуттук музыкалык салттарды жана заманбап сахналык чечимдерди айкалыштырган жаркын концерттик программа тартуулайт. Маданий программанын уландысы 6-июнь күнү саат 19:00дө Ала-Тоо аянтында боло турган “Семетей” ансамблинин концерти болот