Батыш басма сезу мойнуна алды: ирандык танкерлер АКШнын блокадасын бузушкан

Улуу Британияда чыгуучу Financial Times (FT) гезити Ормуз кысыгында Америка Кошмо Штаттарынын (АКШ) Иранга киргизген деңиз блокадасы Иран менен байланышы бар мунай танкерлери тарабынан бузулганын жазды. Кабарга караганда, жүктөрдү көзөмөлдөөчү Vortexa компаниясынын маалыматына таянып, блокада башталгандан кийин Иранга тиешелүү кеминде 34 кеме Перс булуңундагы аймакка ийгиликтүү кирип чыкты 13-апрелде Түркия убактысы боюнча саат 17:00де АКШнын Борбордук командирлиги (CENTCOM) тарабынан башталган деңиз блокадасына карабастан аймакта кеме кыймылы уланууда. Vortexa маалыматтары блокадага карабастан сөз болуп жаткан 34 танкердин 19у Перс булуңунун аймагынан чыгып кеткенин, ал эми 15и түздөн-түз Оман деңизи аркылуу Иран портторуна киргенин көрсөтүп турат. Перс булуңунан чыгууга жетишкен кеминде алты кеменин Иран чийки мунай ташыгандыгы аныкталып, аймактан ташылган мунайдын жалпы көлөмүнүн болжол менен 10,7 миллион баррель болгону белгиленди Эл аралык басма сөздө чагылдырылган кабарда блокаданы бузуу үчүн колдонулган ыкмалар да орун алды. Financial Times өткөн айда карап чыккан спутниктен тартылган сүрөттөргө караганда, Малайзиянын жээктеринде "Дорена" аттуу мунай танкери байкалган. Сөз болуп жаткан танкер ташып бараткан мунайдын булагын жашыруу үчүн деңиздин үстүнөн кемеден кемеге жүк ташыгандыгы аныкталды. Кораблдин багыты байкалганда "Дорена" аттуу танкер акыркы жолу Индиянын түштүк жээгинде жайгашканын 18-апрелде билдиргени аныкталган Аймакта процессти баштаган кадам АКШнын президенти Дональд Трамптын билдирүүлөрү менен келди. Трамп социалдык медиа платформасындагы билдирүүсүндө Ормуз кысыгын тосуу процессин баштай тургандарын коомчулукка жарыялады. Бул чечимден кийин дароо CENTCOM расмий билдирүү жасап, Иран портторуна кирген же чыккан бардык кемелер үчүн деңиз блокадасынын расмий түрдө күчүнө киргенин жарыялады