Балтика аймагында НАТОнун жаңы аскердик башкаруу борбору ишке кирди

Германия менен Нидерландия Орусиянын алдын алуу үчүн Балтика аймагында НАТОнун жаңы аскердик башкаруу борборун ишке киргизди "Bloomberg" борбору Латвия менен чектешкен Эстониянын Валга шаарында иштей баштаганын билдирди Ачылыш аземине Германиянын коргоо министри Борис Писториус, Нидерланддын коргоо министри, ошондой эле Эстония менен Латвиянын коргоо министрлери катышты Германиянын коргоо министри Борис Писториус: «НАТОнун чыгыш флангына дагы бир жогорку даярдыктагы штабды кошуу менен биз согуштук даярдыгыбызды жогорулатабыз, командалык жана башкаруу структурабызды жакшыртабыз жана ар кандай потенциалдуу душманды ооздуктоо жөндөмүбүздү бекемдейбиз», - деди Салтанаттын жүрүшүндө НАТОнун чыгыш канаттагы коргонуу бөлүктөрүнүн командачылыгы Түндүк Чыгыш Көп улуттуу корпусунан (MNC NE) Биринчи Германия-Нидерланд корпусуна (1GNC) өткөрүлүп берилди Жаңы командалык борбор НАТОнун чыгыш флангынын бир бөлүгүнүн тактикалык штабы болуп кызмат кылат. Биринчи Германия-Нидерланд корпусу НАТОнун Эстония менен Латвияда жайгашкан бардык күчтөрүнө, ошондой эле ал өлкөлөрдүн улуттук армияларынын тиешелүү бөлүмдөрүнө командачылык кылат Штаб аскердик машыгууларды пландаштыруу жана башкаруу, мүмкүн болуучу коркунучтарга даярдык көрүү иштерин жетектейт, ошондой эле Орусия тараптан ыктымал чабуул болгон учурда аймактын коргонуусун координациялайт