Азербайжан менен Иран Араздын суусун бөлүштү - фото

Азербайжан менен Иран эки өлкөнүн ортосунда Араз дарыясынын суу ресурстарын бөлүштүрүү режимдерин бекитти, ошондой эле суунун сапатына мониторинг жүргүзүү жана суу инфраструктурасын эксплуатациялоо жаатындагы мындан аркы кызматташууну талкуулашты Мамлекеттик суу ресурстары агенттиги (ADSEA) билдиргендей, тиешелүү макулдашууга 8-11-июнда Иранда өткөн Араз дарыясынын суу-энергетикалык ресурстарын пайдалануу боюнча Азербайжан менен Ирандын туруктуу биргелешкен комиссиясынын 55-жыйынында жетишилди Комиссияны азербайжан тараптан Регионалдык суу мелиорация кызматынын башкармалыгынын төрагасы Закир Гулиев, иран тараптан Ирандын Энергетика министрлигинин Чек ара дарыялары боюнча башкы башкармалыгынын башчысы Фариба Авериде жетектеди Жыйындын жүрүшүндө Араз дарыясынын суу ресурстарын бөлүштүрүүнүн жумушчу режимдери макулдашылды жана бекитилди. Алынган сууга мониторинг жүргүзүү, анын сапатын көзөмөлдөө, сууну өлчөөчү заманбап приборлорду орнотуу жана башка кызматташуу маселелери да талкууланды Сүйлөшүүлөрдүн жыйынтыгында тараптар ишке ашыра турган биргелешкен иштердин тизмесин камтыган жыйынтык протоколго кол коюлду