Армения эл аралык жолугушуулардан кийин Евробиримдик менен алакасын бекемдөөдө

Документке Армения Республикасынын премьер-министри Никол Пашинян менен Ереванга мамлекеттик сапар менен барган Франциянын президенти Эммануэль Макрон кол коюшту Сапардын жүрүшүндө тараптар ошондой эле жасалма интеллект, киберкоопсуздук жана жарым өткөргүчтөр тармагында кызматташууну өнүктүрүүгө багытталган бир катар келишимдерге кол коюшту. Макулдашуулар ошондой эле аскердик технологияларды өнүктүрүү, коргонуу системаларын изилдөө жана аскер кийимдерин жеткирүү маселелерин камтыйт Мындан тышкары, транспорттук тик учактарды жеткирүү, ошондой эле армян авиакомпаниясына эки Airbus A321-200NX учагын сатуу боюнча макулдашууга жетишилди. Франциянын Construction жана Razel-Bec компаниялары менен түзүлгөн өзүнчө келишим Армениянын түштүгүндө Баргушат тоннелинин курулушун карайт Мамлекеттик сапардын жыйынтыгында Франциянын президенти Армениянын президентинин жарлыгы менен достук мамилелерди чыңдоого жана өнүктүрүүгө кошкон жеке салымы үчүн «Даңк» ордени менен сыйланды. Өз кезегинде француз тараптын чечими менен Армениянын президенти жана премьер-министри Ардактуу Легиондун Чоң Крести менен сыйланышты Белгилей кетсек, 4-5-майда Ереванда Франциянын президентинин мамлекеттик визитинен тышкары, башка ири саясий иш-чаралар – Европалык саясий шериктештиктин форуму, ошондой эле Армения-Европа биримдиги саммити өттү Саммиттин жыйынтыгында Армения менен Евробиримдиктин биргелешкен декларациясы кабыл алынып, бир катар документтерге кол коюлду. Тактап айтканда, Армения Республикасы менен Евробиримдиктин ортосундагы байланыш боюнча өнөктөштүк келишимине кол коюлду жана Армениянын Ички иштер министрлиги менен Европанын Чек ара жана жээкти коргоо агенттиги (Frontex) ортосунда чек араны башкаруу чөйрөсүндө оперативдүү кызматташуу боюнча жумушчу макулдашууга кол коюлду Кошумчалай кетсек, Евробиримдиктин Армениядагы делегациясынын башчысы Василис Марагос Армениянын ички иштер министри, ЕБ менен визаны либералдаштыруу маселеси боюнча негизги сүйлөшүүчү Арпин Саркисянга Еврокомиссиянын виза режимин либералдаштыруу боюнча Иш-аракеттер планын ишке ашыруунун жүрүшү тууралуу отчетун тапшырды. Документте бардык зарыл талаптар аткарылган шартта толук либералдаштырууга жетишүү боюнча сунуштар берилген Саммиттин жүрүшүндө ошондой эле Евробиримдикте, Европалык экономикалык мейкиндикте жана Арменияда катталган компаниялар үчүн Армениядагы инвестициялык долбоорлорго билдирмелерди берүүгө чакыруу жарыялоо жөнүндө макулдашууга жетишилди