Германия менен Франция келечектеги истребителдик учак долбоорунун ишин токтотууну чечишти

Германия менен Франция келечектеги согуштук учакты иштеп чыгууну камтыган FCAS (Future Combat Air System) долбоору боюнча ишти токтотууну чечишти AZERTAC "Tagesschau" маалымат кызматына таянуу менен Германиянын өкмөтүндөгү булактар канцлер Фридрих Мерц менен Франциянын президенти Эммануэль Макрон биргелешкен согуштук учак түзүү долбоорун улантуу туура эмес деген бүтүмгө келгенин кабарлады. Долбоордун негизги өнөр жай өнөктөштөрү – Франциянын Dassault Aviation менен европалык алдыңкы аэрокосмостук концерндердин бири болгон Airbus компаниясынын ортосундагы көптөн бери келе жаткан пикир келишпестиктер чечиле алган жок. Ушул себептен улам, Германиянын канцлери Франциянын президентине долбоордун учак компоненти боюнча ишти токтотууну сунуштады Бирок тараптар FCAS алкагында ар кандай курал системаларын, платформаларды жана сенсорлорду бирдиктүү тармакка интеграциялоону камтыган “Согуштук булут” концепциясын улантуу ниетинде. Германиянын екмету бул багытты «Европалык системалар системасынын» негизги элементи жана учактарды, учкучсуз учактарды жана башка каражаттарды бириктирген «нерв системасы» деп эсептейт Белгилей кетсек, миллиарддаган евролук FCAS долбоору 2017-жылдын июль айында Германиянын мурдагы канцлери Ангела Меркель менен Эммануэль Макрон тарабынан башталган. Долбоордун токтотулушу Европанын коргонуу өнөр жай тармагындагы кызматташтыкты тереңдетүүгө жана Франциянын президентинин Европанын коргонуу көз карандысыздыгы боюнча демилгелерине дагы бир сокку катары каралууда 2026 © AZERTAC. Автордук укук корголгон. Маалыматты колдонуу гипершилтеме менен көрсөтүлүшү керек