Албанияда миңдеген адамдар жүрүшкө чыгышты

Фламинголорго болгон симпатия Албанияда чоң революцияга айланып баратат. Акыркы күндөрү Тиранада тынчтык бузулду. Нааразылык акциясына миңдеген адамдар катышты. Ири масштабдуу демонстрациялар Трамптын күйөө баласы менен кызынын Балкан өлкөсүнүн жаратылышына суктануусу менен башталды. Теманы Арыстан Рысбек улантат Албанияда АКШнын президенти Дональд Трамптын күйөө баласы Жаред Кушнер пландаган элиталык эс алуу жайынын курулушуна каршы нааразылык күч алууда. Миңдеген адамдар борбор Тирананын көчөлөрүнө чыгып, өкмөттөн долбоорду токтотууну талап кылышты 1,4 миллиард евролук долбоор Албаниянын жээгиндеги аралга жана Вжоса Нарта деп аталган өзгөчө жаратылыш аймагына жакын жерде курулат Айтмакчы, бул аймак фламинго, тюл жана деңиз таш бакалары жашаган уникалдуу экосистемасы менен белгилүү. Экологдордун айтымында, келечектеги курулуш жүздөгөн гектар жерлерге зыян келтириши мүмкүн. Селжекай айым, орнитолог: Бул пансионат масштабдуу инфраструктуралык долбоор. Мындай курулуш жаратылышка терс таасирин гана тийгизбестен, аны жок кылышы мүмкүн. Бул көптөгөн жаныбарлардын жана канаттуулардын түрлөрүнүн, анын ичинде фламинголордун мекени. Андыктан долбоордун кесепеттерин албетте кийинчерээк сезебиз. Анткени эс алуу жайын куруу бир гана имаратты куруу менен чектелбейт. Нааразылык акциясы май айынын аягында курулуш аянты тикенек зым менен тосулгандан башталган. Ошондон бери активисттер менен коопсуздук кызматкерлеринин ортосунда кагылышуу болуп, бир нече киши жарадар болгон. Кийинчерээк нааразылык акциясы Тиранага чейин жеткен. Өлкөнүн премьер-министри Эди Рама бул чечимди «уят» деп атап, Кушнердин долбоорун толук колдой турганын, анткени ал экономикага пайдалуу экенин билдирди. Эди Рама, Албаниянын премьер-министри: Бул долбоор ишке ашабы же жокпу, эч качан талкууланган эмес. Анткени бул өлкө үчүн чоң мүмкүнчүлүк. Ички дүң продукциясы 27 миллиард еврого жакын өлкө үчүн 4 миллиард евролук инвестиция чоң утуш эмеспи? Америкалык ишкер Жаред Кушнер жубайы Иванка Трамп менен бир нече жыл мурун яхтада саякаттап жүрүп Албанияга барып, Балкан республикасынын жаратылышына суктанган. Алар айткандай, бул сүйүү курорт куруу идеясына алып келди. Бирок албандар Рамазандын кызматтан кетишин талап кылып, чет элдик инвесторлор түзгөн пландын коррупциялашканынан шек санай башташты. Бул кыймыл кийинки күндөрү "Кокиказ революциясы" деп аталды