Шаардын архитектуралык көрүнүшү жаңырат

Алматынын сырткы келбетин даңазалаган байыркы объектилердин архитектуралык келбети жаңыланып жатат. Азыр шаарда турак-жай имараттарынын фасаддары бүткөрүлүп жатат. Негизги максат – архитектуралык мурастарды сактоо менен шаарды көрктөндүрүү. Адистер имараттардын тарыхый мааниси өзгөрбөй турганын айтышат. Алматынын чок ортосунда жайгашкан бул турак жай 1958-жылы темир жолчулар учун курулган. Шаар тургундары аны “Түрксиб үйү” деп аташат. Жылдар өткөн сайын имараттын сырткы жасалгасы эскирип, бирок анын архитектуралык көрүнүшү жана тарыхый баалуулугу сакталып калган. Ошондуктан, мындай объектилерди реконструкциялоодо баштапкы архитектуралык чечимдер өзгөрүүсүз калат. Тимур Акатжанов, “Q-LAB” ишканасынын социалдык долбоорлоо бөлүмүнүн башчысы: Биринчи типтеги оңдоо иштери боюнча имараттардын тарыхый көрүнүшү сакталып, шыбак катмары гана жаңыланып, сырдалат. Ал эми эскилиги жеткен фасаддар заманбап талаптарга ылайыкташтырылган. Башкача айтканда, өңүн жоготкон үйлөр неоклассикалык стилде жаңыланат. Объекттин архитектуралык гармониясын арттырган декоративдик элементтерди кошууну чечтик. Мисалы, панелден жасалган мындай үйлөрдүн көрүнүшү өзгөрөт. Башкача айтканда, жөнөкөй архитектуралык чечими бар же убакыттын өтүшү менен сулуулугун жоготкон үйлөрдүн фасаддары табигый таш, гранит сыяктуу сапаттуу материалдар менен бүткөрүлөт. Быйыл Медеу районунда 50 көп кабаттуу үй оңдолот. Дамир Данияров, Медеу райондук мамлекеттик администрациясынын коммуналдык чарба бөлүмүнүн башкы адиси: Бардык объектилерди техникалык кароодон өткөрүү өз алдынча мекемелер тарабынан жүргүзүлгөн. Ошондон кийин оңдоп-түзөө иштерин башташат. Табигый таш, гранит сыяктуу курулушка керектүү материалдар биздин ата мекендик продукциябыз. Жыл аягына чейин Алматынын чоң көчөлөрүнүн боюнда жайгашкан 170 көп кабаттуу үйдүн фасаддары жаңыланат. Бул иштер шаардын архитектуралык көрүнүшүн гана жакшыртпастан, жашоочулардын жашоо шартын да ыңгайлуу кылат. Ал эми подрядчы мекемелер аткарылган иштерге эки жылдык кепилдик беришет