Шахин Мустафаев армян тилин билеби?

Азербайжандын вице-премьер-министри Шахин Мустафаев жетектеген азербайжандык делегация Ереванда. Бул тууралуу Армениянын Тышкы иштер министрлиги кабарлаганы менен, азырынча сапардын чоо-жайын ачыктай элек. Кыязы, Шахин Мустафаев Ереванга Азербайжан менен Армениянын мамлекеттик чек арасын делимитациялоо боюнча мамлекеттик комиссиялардын жыйынына катышуу үчүн барган. Белгилей кетсек, тараптардын атынан мамлекеттик комиссиялардын төрагалары катары вице-премьер-министрлер Шахин Мустафаев жана Мер Григорян катышууда. Modern.az агенттиги Армениянын айрым ЖМКлары Азербайжандын вице-премьер-министри Шахин Мустафаевдин инсанына дагы бир жолу өзгөчө көңүл бурганын билдирди. Армян басмасы Шахин Мустафаевдин Арменияда туулуп, орто мектепти ошол жакта окуганын дагы бир жолу эске салды. Белгилей кетсек, Шахин Мустафаев теги Батыш Азербайжандын (азыркы Армения) Ноемберян районунун Жуцеван айылынан. Ал 1965-жылы ошол айылда туулган. Буга чейин армян басылмалары Шахин Мустафаев армян тилин жакшы билет деп жазып чыгышкан. Маселен, Еревандагы «Иравунк» гезитинде бир кезде Шахин Мустафаевге орто мектепте сабак берген Ануш Алексаня сүйлөдү. Анын мурдагы мугалими Шахин Мустафаев армян тилин жакшы билгенин айткан. "Ал ошол айылдын мектебинде 9-класска чейин окуган. 9-10-класстарды Ноемберян шаарындагы No2 мектепте окуган. Андан кийин алар Ереванга көчүп кетишкен. Ал 3-курска чейин Ереван мамлекеттик университетинде окуган", — деди Ануш Алексанян Шахин Мустафаев тууралуу Ушул эле “Иравунк” гезитиндеги маалыматта Ануш Алексанян Шахин Мустафаевди эле эмес, анын үч карындашын да окутканы айтылган. Шахин Мустафаев азербайжандык маалымат каражаттарына берген билдирүүсүндө армян тилин билүү темасын эч качан козгогон эмес жана айтылган дооматтарды тактаган эмес. Анын расмий өмүр баянында армян тилин билгени көрсөтүлгөн эмес. Экономикалык өнүгүү министри болуп турганда жарыяланган өмүр баянында Шахин Мустафаев орус жана англис тилдерин билгени жазылган. А. Горхмаз