Алматыда адам өліміне әкелген жол-көлік оқиғасын жариялаған адвокат екі айға қамауға алынды

Адвокат Әділетхан Молдахан сотқа дейінгі тергеу барысында екі айға қамауға алынды, деп хабарлайды Orda.kz Алматы полиция департаменті оның қасақана жалған ақпарат таратты деген күдікпен ұсталғанын хабарлады Бұған дейін Әділетхан Молдахан Әл-Фараби даңғылындағы атышулы адам өліміне әкеліп соқтырған жол-көлік оқиғасын баяндаған болатын. Жарияланымдардан кейін ол тергеуге полиция бөліміне шақырылып, қамауға алынды, деп хабарлады оның әріптесі әлеуметтік желіде. Кейін сот адвокатты 10 тәулікке қамауға алды. Оған қасақана жалған ақпарат таратқаны үшін айып тағылды Естеріңізге сала кетейік, 21 наурызға қараған түні сағат 03:30 шамасында Әл-Фараби даңғылында, Меңдіқұлова көшесінің қиылысында адам өлімімен аяқталған жол апаты болды. Полицияның мәліметінше, Zeekr жүргізушісі қарсы жолаққа шығып кетіп, Mercedes көлігімен соқтығысқан. Мерседес жүргізушісі мен оның екі жолаушысы оқиға орнында көз жұмды, Zeekr жүргізушісі жарақаттармен ауруханаға жеткізілді