Ыстықкөлде заңсыз жүрген 36 шетел азаматы қамауға алынды

Ұлттық қауіпсіздік мемлекеттік комитеті (ҰҚК) арнайы операция аясында Ыстықкөл облысында заңсыз жүрген 36 адамның анықталып, ұсталғанын хабарлады. 2-3 маусымда шетелдік жұмыс күшін тартатын 32 нысан, сондай-ақ 5 елден келген 768 шетел азаматының құжаттары тексерілді Нәтижесінде ел аумағында заңсыз жүрген 36 шетел азаматы анықталды. Заң бұзушылықтар бойынша барлығы 64 әкімшілік хаттамалар толтырылды. Оларға заң бойынша айыппұл салынды. Қазір Қырғызстаннан келген заңсыз мигранттарды депортациялау бойынша тиісті шаралар жүргізілуде Хабарламада айтылғандай, жүргізіліп жатқан іс-шаралар ұлттық қауіпсіздікті қамтамасыз ету, қоғамдық тәртіпті сақтау және заңсыз көші-қонмен күресуге бағытталған. Қауіпсіздік қызметі елге келу, жол жүру және тіркеу ережелерін бұзғандар, сондай-ақ тиісті рұқсатсыз жұмыс істегендер Қырғызстан заңнамасына сәйкес жауапкершілікке тартылатынын, елден шығарылып, елге қайта кіруге тыйым салынуы мүмкін екенін ескертті. Шетел азаматтары, жұмыс берушілер және қабылдаушы тараптар Қырғызстанның көші-қон заңнамасының талаптарын қатаң сақтауға міндетті екені атап өтілді Биыл Қырғызстанға шетелден жұмыс істеуге келетін еңбек мигранттары үшін квота 52 мыңнан 100 мыңға дейін өсті 2025 жылы шетелдік жұмысшыларға 25 000 орын бөлінсе, кейінірек 42 000-ға дейін ұлғайтылды Қытай, Үндістан, Түркия, Пәкістан және басқа да елдер Қырғызстаннан жұмыс күшіне квота сұраған елдердің көш басында. (ZKo)