Тәжікстанда көшкін кезінде балалар қаза тапты

Тәжікстанның оңтүстігінде лай көшкіні салдарынан екі бала қаза тапты, тағы үш адам ауыр жарақатпен ауруханаға жеткізілді Оқиға 3 маусым күні түс ауа Шамсиддин Шохин ауданындағы Шахрибарбар ауылында жасөспірімдер мал бағып жүрген жерде болған. Азаттықтың Тәжік қызметінің «Озоди» агенттігіне аудан әкімшілігіндегі дереккөз 4 маусымда сел құрбандары тоғыз және 11 жастағы ұл балалар екенін айтты "Адамдар жасөспірімдерді селден алып шығып, ауруханаға жеткізді. Екеуі қайтыс болды, тағы үшеуі ауыр жарақатпен медициналық мекемеде жатыр", - деп хабарлады дереккөз Мамыр айында Тәжікстандағы лай көшкіні мен су тасқыны Куляб пен Турсунзада кем дегенде төрт адамның өмірін қиып, бесеуін жаралағаны хабарланған Синоптиктер 5 маусымда әсіресе таулы аймақтарда лай көшкіні қаупі жоғары екенін ескертіп, тұрғындарды сақ болуға шақырды Территориясының басым бөлігі таулы аймақтарда орналасқан Тәжікстан сел, су тасқыны, көшкін және құрғақшылыққа осал болып қала береді. Жыл сайын бұл табиғи апаттар елге ондаған миллион доллар шығын әкеледі Azattyk Asia © 2026 Азаттық радиосы, Inc. | Барлық құқықтар қорғалған