Шымкентте Ресейдің 12 мыңға жуық заңсыз жұмыртқасы жойылды

Шымкентте «Жібек жолы» базарында заң талаптарын бұзып сатылған ресейлік тауық жұмыртқасының ірі партиясы анықталды. Өнімдерді Ветеринариялық бақылау және қадағалау комитетінің қызметкерлері, қалалық сауда және тұтынушылардың құқықтарын қорғау департаменті, сондай-ақ Қазақстан құс өсірушілер одағының өкілдері бірлесіп жүргізген бақылау-қадағалау шаралары барысында анықтады Инспекторлардың айтуынша, жұмыртқалар міндетті түрде таңбаланбай және ветеринарлық құжатсыз сатылған. Тәркіленген өнімнің жалпы көлемі 11 850 дананы құрады Зертханалық зерттеулер партияның қауіпсіздік талаптарына және Қазақстан Республикасының қолданыстағы заңнамасына сәйкес келмейтінін көрсетті. Тексеруден кейін барлық өнімдер комиссияның қатысуымен белгіленген тәртіппен жойылды Кінәлілерге қатысты әкімшілік құқық бұзушылық істері қозғалды. Тексеру материалдары одан әрі рәсімдік шешімдер қабылдау үшін уәкілетті органдарға жіберілді Қазақстан құс өсірушілер одағы жұмыртқа өнімдерінің заңсыз айналымын анықтау және жолын кесу бойынша мемлекеттік органдармен бірлесіп жұмысты жалғастыруда. Тіркелген заң бұзушылықтар туралы ақпарат Ауыл шаруашылығы министрлігіне, Сауда және интеграция министрлігіне, Мемлекеттік кірістер комитетіне және Санитарлық-эпидемиологиялық бақылау комитетіне жіберіледі Қолданыстағы шектеулерге қарамастан, еліміздің кейбір аймақтарында ресейлік таңбаланбаған жұмыртқаны сату фактілері әлі де анықталуда. Осыған байланысты мемлекеттік органдар тұтынушыларды қорғау, өнім қауіпсіздігін қадағалау және нарықтың ашықтығын қамтамасыз ету мақсатында базарлар мен сауда нысандарына тексеру жүргізеді 2026 жылдың 17 сәуірінен бастап елімізде Ауыл шаруашылығы министрлігінің жеуге жарамды тауық жұмыртқасын әкелуге уақытша тыйым салу туралы No146 бұйрығы бар. Бұл шара сұр импорттың жолын кесу, демпингке жол бермеу және сұраныстың маусымдық өсуі кезінде ішкі нарықтағы тұрақты баға жағдайын сақтау үшін енгізілген Қазақстанда бірнеше жыл қатарынан жұмыртқа импортына уақытша шектеулер қолданылып келеді. Мұндай шаралар отандық құс фабрикалары ішкі нарықтың сұранысын толық қамтамасыз ете алатын кезеңдерінде енгізіледі. Бұл отандық өндірушілерді демпингтік импорттан қорғауға, тең бәсекелестік жағдайларын жасауға және тұтынушылар үшін тұрақты бағаны сақтауға мүмкіндік береді