Ыстықкөлде су тасқынынан бір адам қаза тапты, бір жасөспірім із-түзсіз жоғалды

5 маусым күні кешке Ыстықкөл ауданындағы Бостери және Бұлан-Сағатт ауылдарының арасында көшкін болды. Ыстықкөл облысының әкімі Бақыт Жетігенов «Азаттық» тілшісіне сол жерде тұрған кезінде мәлім еткендей, таксиде келе жатқан азамат қаза тауып, онымен бірге отырған 8-сыныпта оқитын жасөспірім із-түзсіз жоғалып кеткен. Оны іздеу жұмыстары жалғасуда. Көшкін болған кезде төрт көлік жолдан шығып, лайға батып кеткен. Көлік жүргізушісі Чолпон-Ата қаласындағы ауруханаға жеткізілді, оның жағдайы тұрақты деп хабарланды Төтенше жағдайлар министрлігінің Ыстықкөл облысы бойынша департаменті басшысының орынбасары Чолпонбек Темірбеков журналистерге екі көліктің балшыққа батып қалғанын айтты. Бір көліктегі үш адам сыртқа шығып, қашып үлгерсе, екі жолаушы ішінде қалып қойған Оқиға орнында Төтенше жағдайлар министрлігі жедел тобының мамандары жұмыс істеп жатыр. Жолдың түнгі сағат 1-де ашылғаны хабарланды Маусымның 5-і күні сағат 20:00 шамасында Чолпон-Ата қаласы мен Бұлан-Сағатт ауылы арасында су тасқыны жүріп, қара жол уақытша жабылды. Куәгерлер әлеуметтік желіге өз орындарынан видео жүктеп, бірнеше көлікті көлге қарай тасқын алып кеткенін айтты