«Өзбекстан әуе жолдары» авиакеросин тапшылығына байланысты Ресейге баратын кейбір рейстерді қысқартады

Өзбекстанның ұлттық тасымалдаушысы «Uzbekistan Airways» ел мен Ресей арасындағы кейбір бағыттар бойынша рейстер жиілігінің қысқарғанын хабарлады. Компания мұны әуе жанармайының тапшылығымен және оның құнының қымбаттауымен түсіндірді Тасымалдаушы қандай рейстерге әсер ететінін нақтыламады. Бұл ретте, тоқтатылған рейстердің жолаушыларына сол бағыт бойынша келесі қолжетімді рейске тегін қайта брондау немесе айыппұлдарды шегермей билет құнын толық қайтару ұсынылды Жергілікті ақпарат құралдарының хабарлауынша, өзгерістер Мәскеу мен Санкт-Петербургке баратын кейбір рейстерге де әсер етуі мүмкін. Әуе компаниясының баспасөз қызметі түзетулердің мақсатты сипатта екенін және олардың ұзақтығы бағытқа байланысты өзгеруі мүмкін екенін мәлімдеді Маусым айының басында Ресей қарашаның соңына дейін авиациялық керосинді экспорттауға уақытша тыйым салып, мұны отандық жанармай нарығын тұрақтандыру қажеттілігімен түсіндірді. Сонымен бірге Өзбекстанның Энергетика министрлігі Ташкент пен Мәскеу арасындағы қолданыстағы үкіметаралық келісім аясында елге авиа жанармай жеткізу жалғасатынын мәлімдеді Таяу Шығыстағы жағдайдың шиеленісуіне қарай әлемдік нарықтар энергия бағасының өсуіне және жанар-жағармай жеткізудегі үзілістерге тап болуда. Бұл факторлар авиациялық керосин нарығына да әсер етеді Azattyk Asia © 2026 Азаттық радиосы, Inc. | Барлық құқықтар қорғалған