Барлығының назары Тегеранға

Пәкістан премьер-министрі Шариф АҚШ пен Иран арасындағы қорытынды келісімнің мәтіні дайындалғанын хабарлады. АҚШ президенті Трамп Иранды БАҚ-қа келісім шарттарын жалған жариялады деп айыптап, жария етілген келісім шарттарының шындыққа еш қатысы жоқ екенін айтты. Пәкістан премьер-министрі Шахбаз Шариф АҚШ пен Иран арасындағы қорытынды келісімнің мәтіні дайындалғанын хабарлады. «Біз келесі қадамды жасау үшін АҚШ және Иранмен тығыз ынтымақтастықтамыз», - деді Шариф. Бұл соғыстың жеңімпазы – Иран. Иран Сыртқы істер министрлігінің ақпарат хатшысы Исмаил Бекаи Иранда шешім қабылдаушылардың өзара түсіністік меморандумын талқылау үшін бас қосқанын хабарлады. Бекаи: "Мен өзара түсіністік меморандумының егжей-тегжейлері туралы ақпарат құралдарында жарияланған ақпаратты растай алмаймын. Иран шешім қабылдамай тұрып, келісім мәтініне қол қойылатын уақыт пен орын туралы түсініктеме бере алмаймын. Келіссөздер барысында көптеген мәселелер бойынша келісімге қол жеткізілді және біз өз ара бағалаудың соңғы сатысындамыз" деді. Иран Сыртқы істер министрі Аббас Аракчи Иранның бұл соғыстан күшейгенін мәлімдеп: "Бұл соғыстың жеңімпазы - Иран. Өзара түсіністік меморандумына әлі қол қойылған жоқ, өзгерістер болуы мүмкін" деді. Түсіністік меморандумының алғашқы қадам болатынын атап көрсеткен Аракчи егер орындалмаса ядролық келіссөздер жүргізілмейтінін айтты. Аракчи: «Теһранның жоғары байытылған уран қорына қатысты жалғыз таңдаулы шешімі - оны сұйылту», - деді Аракчи. Ядролық мәселенің алдағы кезеңдерде талқыланатынын атап көрсеткен Аракчи "Ливан да бар барлық майдандағы соғыстың аяқталуы уақытша келісім аясында жарияланады. АҚШ-тың эмбаргоны тоқтатып, Ормуз бұғазын ашуы өзара түсіністік меморандумының бір бөлігі" деді. Ормуз бұғазының басқаруының соғыс алдындағы кезеңнен өзгеше болатынын атап көрсеткен Аракчи "Бұғаздың егемендігі Оман мен Иранға тиесілі. Иран Ормуз бұғазы арқылы өту қауіпсіздігін қамтамасыз етеді" деді. Аракчи сонымен қатар Иранға тиесілі бұғатталған активтердің босатылатынын айтты. Израильдің АҚШ пен Иран арасындағы келісімге қарсы екенін айтқан Аракчи: «АҚШ-тың Иранға қарсы қоқан-лоққылары аяқталуы керек, Теһран ешқашан қысымға мойынсұнбайды» деді. Ол Ливандағы соғыстың аяқталуы Израильдің басып алынған аймақтардан шығуын білдіреді деп қосты Трамп: Жарияланған келісім шарттары шындықты көрсетпейді. Келісімге қол жеткізілгенін жариялаған АҚШ президенті Дональд Трамп кеше Ираннан тараған келісім шарттарының дұрыс емес екенін алға тартты. Әлеуметтік желідегі парақшасында Трамп өзінің соңғы кезеңіне жеткен АҚШ пен Иран арасындағы келісімге қатысты мақалаларды таратқаны үшін Теһранды айыптады. Трамп өз мәлімдемесінде: "Иранның жалған ақпарат көздеріне таратқан сөздерінің жазбаша келісілген шарттарға еш қатысы жоқ. Олардың айтқан ештеңесі фактілерге, соның ішінде келісімге қол жеткізілді деген әлсіз және аянышты мәлімдемелеріне сәйкес келмейді" деді. деді ол. Трамп өз жазбасында "Олармен күресу өте абыройсыздық. Олармен адал ниетпен мәміле жасау деген нәрсе жоқ. Сенгісіз!" деді ол