Түркияда ФЕТО ұйымына қатысы бар деген күдікпен Қырғызстан азаматы қамауға алынды

Қырғызстан азаматы Ермек Сабыржанов Түркияда діни қайраткер Фетхуллаһ Гүленнің Хизмет қозғалысына қатысы бар деген күдікпен қамауға алынды (Түркия фетуллахшы лаңкестік ұйым деп жарияланды) Мәліметтерге сәйкес, одан үстіміздегі жылдың 22 мамырында жауап алынып, 23 мамырда қамауға алынған. 34 жастағы Ермек Сабиржановты әйелі және үш баласымен Бішкек-Анкара-Солтүстік Кипр рейсімен кетіп бара жатқан жерінде Анкараның Есенбоға халықаралық әуежайында құқық қорғау органдары ұстаған Алдын ала мәлімет бойынша, Түркияның құқық қорғау органдары оған ФЕТО («Фетхуллаһшы лаңкестік ұйым») деген айып тағып отыр. Ермек Сабыржанов 2014 жылы Түркияның Измир қаласында білім алған Оның адвокаты Эрдем Атмажа «Азаттыққа» Ермек Сабыржановтың қамауға алынғанын растап, оның қазір Анкарада түрмеде отырғанын хабарлады. Бірақ ол қандай жағдайда айып тағылғанын айтпады. Адвокат Сабиржановтың ісіне қатысты барлық ақпаратты Қырғызстанның Түркиядағы елшілігіне бергенін айтты Ермек Сабыржановтың жұбайы Аделина Қасымова Азаттыққа үш баласымен Түркияда жүргеніне екі апта болғанын, бұл елде туыстары болмағандықтан қиналып жатқанын айтты 2025 жылдың сәуір айында қырғыз мұғалімі Азамат Нурмат уулу да ФЕТО-ға («Фетхуллаһшы лаңкестік ұйым») қатысы бар деген айыппен қамауға алынып, өткен жылдың желтоқсан айында Қырғызстанға оралды. Ыстамбұлдағы Қырғызстан консулдығымен екіжақты келіссөздерден кейін оған Қырғызстаннан шығуға рұқсат берілді 2016 жылы 15 шілдеде Түркияда мемлекеттік төңкеріс әрекеті жасалып, соның салдарынан үш жүзден астам адам қаза тапты. Режеп Тайып Ердоған бастаған түрік үкіметі бұл төңкеріс әрекетіне дін қызметкері Фетхулла Гүленді айыптап, Вашингтоннан оны экстрадициялауды талап етіп, оның қозғалысын ФЕТО («Фетхуллаһшы лаңкестік ұйым») деп жариялады Ердоғанның бұрынғы сенімді адамы әрі серіктесі Фетхуллаһ Гүлен мен оның жақтастары бұл айыптауларды жоққа шығарып, төңкеріс әрекетін үкімет әдейі ұйымдастырды деп жауап берді. Гүлен 2024 жылдың қазан айында АҚШ-та 83 жасында қайтыс болды. (BTo)