Қазақстанның экс-президентінің баспасөз хатшысы: Назарбаев саясатқа араласпайды

Қазақстанның экс-президенті Нұрсұлтан Назарбаев бір кездері өзі құрған «Аманат» партиясының мүшесі емес және ондағы қазіргі өзгерістерге еш қатысы жоқ. Бұл туралы Азаттық тілшісінің сауалына Назарбаевтың баспасөз хатшысы Айдос Үкібай мәлім етті "Нұрсұлтан Әбішұлының [партияға] не қатысы бар? Ол 2019 жылы [Қазақстан президенті] қызметінен кетті", - деді Үкібай. Оның айтуынша, Назарбаев қазір саясатпен айналыспайды Қазақстанды 30 жылдай басқарған Нұрсұлтан Назарбаев 2019 жылы президенттік қызметінен кетті. Алайда ол Қауіпсіздік кеңесінің басшысы және «Нұр Отан» партиясының (қазіргі «Аманат») төрағасы қызметтерін 2022 жылғы қаңтар оқиғасына дейін сақтап қалды Партияны 1999 жылы Нұрсұлтан Назарбаев «Отан» деген атпен құрды. 2006 жылы ұйымның атауы «Нұр Отан» болып өзгертілді, ал 2007 жылы Назарбаев ресми түрде оның төрағасы қызметіне кірісті. Ол бұл міндетті 2022 жылға дейін үздіксіз атқарды 2022 жылдың 28 қаңтарында партияның атауы өзгертіліп, президент Қасым-Жомарт Тоқаев оның төрағасы болды. Кейін Конституцияға президент саяси партияның мүшесі болмауы керек деген норма енгізілді, содан кейін Тоқаев Аманат төрағасы қызметінен кетті Бұл ретте «Аманат» партиясы жаңа «Әділет» партиясымен бірігу туралы шешімді талқылап жатқаны белгілі болды. 6 маусымда өткен саяси кеңестің шұғыл отырысы осы мәселеге арналды деп хабарланды. Ақпаратты Мәжіліс депутаты, партияның саяси кеңес бюросының мүшесі Ерлан Саиров растады «Әділет» 2026 жылы құрылды. Ол өзін «Әділетті Қазақстан» (бұл терминді ҚР Президенті Тоқаев енгізген – ред.) құруды, заңның үстемдігін, мемлекеттің азаматтар алдындағы жауапкершілігін, патриотизмді және кезең-кезеңімен реформаларды жүргізуді жақтайтын орталықшыл саяси күш ретінде көрсетеді. Партия төрағасы болып Қазақстан президенті әкімшілігінің бұрынғы басшысы Айбек Дәдебай сайланды Azattyk Asia © 2026 Азаттық радиосы, Inc. | Барлық құқықтар қорғалған