Президент Ұлттық банкке инфляцияны ауыздықтауды, қаржылық тұрақтылықты қамтамасыз етуді тапсырды

Ұлттық банк төрағасы Тимур Сүлейменов ақша-несие саясатының қорытындылары, қаржы секторының жағдайы, валюталық резервтер, Ұлттық қордың активтері, Бірыңғай жинақтаушы зейнетақы қорының (БЖЗҚ) зейнетақы активтері, қаржы жүйесін цифрлық трансформациялаудың барысы туралы ақпарат берді. Ол Мемлекет басшысына инфляцияның 2025 жылы 12,3%-ға дейін бәсеңдегенін баяндады. 2026 жылы инфляция төмендеуді жалғастырып, мамыр айының соңында 10,4%-ды құрады. Ұлттық банк инфляцияны одан әрі төмендету бойынша үкіметпен бірлескен жұмысты жалғастыруда Мемлекет басшысына Ұлттық қордың активтерін және Ұлттық Банктің сенімгерлік басқаруындағы БЖЗҚ активтерін басқару қорытындылары туралы баяндалды. 2025 жылы Ұлттық банктің валюталық резервтері рекордтық көрсеткішке — 65,4 миллиард долларға жетті. Ұлттық қордың валюталық активтері 5,1 миллиард долларға өсіп, 63,9 миллиард долларға жетті. БЖЗҚ активтері 2,7 трлн теңгеге өсіп, 25,1 трлн теңгеге жетті Сондай-ақ Қасым-Жомарт Тоқаев цифрландыру барысы және цифрлық жобалардың іске қосылуы туралы баяндалды. Қазақстан 2025 жылы цифрлық активтерге арналған арнайы құқықтық режимді іске қосты, бұл 30-дан астам пилоттық жобаларды, соның ішінде нақты активтерді токенизациялауды, ақшамен қамтамасыз етілген стабилкоиндарды шығаруды, криптопровайдерлердің жұмысын және крипто-фиат арналарын іске асыруға мүмкіндік берді Қазақстан аймақта бірінші болып қауіпсіз биометрияны, банкаралық есеп айырысуларды, қаржылық ақпарат алмасу жүйесін, цифрлық теңгені, алаяқтықтан қорғауды және заманауи цифрлық қызметтерді біріктіретін Ұлттық цифрлық қаржылық инфрақұрылымды іске қосты Кеңес қорытындысы бойынша Мемлекет басшысы Ұлттық банкке қаржы жүйесінің тұрақтылығын қамтамасыз етуді және үкіметпен бірлесіп инфляцияны тежеу және макроэкономикалық тұрақтылықты сақтау бойынша келісілген саясатты жүзеге асыруды тапсырды. Сондай-ақ қаржы нарығының заманауи цифрлық инфрақұрылымын одан әрі дамытудың маңыздылығы атап өтілді Бұған дейін Мемлекет басшысы Қасым-Жомарт Тоқаев Бейбітшілік кеңесінің аға кеңесшісі Арье Лайтстоунмен кездесті