Солтүстік Қазақстанға өзге елдерден қоныс аударғандар саны үш есеге артты

Ресми деректер бойынша облысқа 2023 жылы 1421, 2024 жылы 416 шетел азаматы тұрақты тұруға келсе, 2025 жылы тұрақты тұруға келген шетелдіктер саны 1046 адамға жеткен Өткен жылы Солтүстік Қазақстан облысына қоныстанған шетел азаматтарының ішінде ең көп үлесті Ресейден келгендер құрады – 170 адам. Одан кейін Тәжікстан азаматтары – 47 адам, Өзбекстан – 41, Қытай Халық Республикасы – 37, сондай-ақ Әзірбайжан мен Украинаның әрқайсысы 12 адам Қазақстан азаматының төлқұжатын алғандардың арасында Ресей азаматтары да басым. 60 адам көрші мемлекеттің азаматтығын алды, Өзбекстаннан – 32, Моңғолиядан – 31, Қытай Халық Республикасынан – 28, Тәжікстаннан – 15, Түркіменстаннан – 11, Әзірбайжаннан – 3, Армениядан – 3. Сонымен қатар, азаматтығы жоқ 3 адам Қазақстан азаматтығын алды, сондай-ақ бір адамнан Ауғанстан, Иран, Украина Қазіргі таңда облыста уақытша тұратын 5116 шетел азаматы тіркелген. 2026 жылдың басынан бері облыста еңбек қызметін жүзеге асыру үшін 2800-ден астам шетел азаматы тіркелген — Көші-қон заңнамасының сақталуы тұрақты бақылауда. Өткен жылы көші-қон саласында 13,5 мың әкімшілік құқық бұзушылық анықталып, оның ішінде 1733 шетел азаматы әкімшілік жауапкершілікке тартылған. Негізгі бұзушылықтардың бірі – Қазақстан Республикасының аумағында болу ережелерін сақтамау. Ағымдағы жылдың бес айында көші-қон саласында 6 мыңға жуық әкімшілік құқық бұзушылық анықталып, 286 шетел азаматы ҚР ӘҚБтК-нің 517-бабы бойынша жауапкершілікке тартылды, деп хабарлады Солтүстік Қазақстан облысы ІІД Көші-қон қызметі басқармасы басшысының міндетін атқарушы Еділ Қазиев Заң талаптарын бұзған шетел азаматтары сот шешімімен елден шығарылуға жатады Өткен жылы Қазақстан аумағында болу ережесін бұзғаны үшін 83 шетелдік шығарылса, биыл 31 адамға қатысты осындай шешім шығарылды