Қонаевта балалармен мемлекеттік рәміздер туралы әңгімелестік

Мемлекеттік рәміздер күні Алматы облысының әкімі Марат Сұлтанғазиев Қонаев қаласындағы Бердібек Соқпақбаев атындағы саябақта балалармен кездесті. Бұл туралы облыс әкімдігінің баспасөз қызметі хабарлады Мемлекеттік рәміздер күні Алматы облысының әкімі Марат Сұлтанғазиев Қонаевтағы Бердібек Соқпақбаев атындағы саябақта балалармен кездесті. Бұл туралы облыс әкімдігінің баспасөз қызметі хабарлады Ашық аспан астындағы форматта өткен кездесу 30-дан астам баланың басын қосты. Кездесу барысында балалар аймақ басшысына өздерін қызықтырған сұрақтарын қойып, Қазақстанның мемлекеттік рәміздерінің тарихы мен мәні туралы пікір алмасты Әңгіме барысында Марат Сұлтанғазиев балаларға Мемлекеттік Ту, Елтаңба және Әнұран тәуелсіз Қазақстанның басты рәміздері екенін айтып, оларды құрметтеу әрбір азаматтың борышы екенін атап өтті Сондай-ақ облыс әкімі мемлекеттік рәміздер туралы қызықты деректермен бөлісті. Әсіресе, әлемнің биік шыңдарында желбіреп, биікке көтерілген көк ту туралы мәліметтер балаларды ерекше қызықтырды Марат Сұлтанғазиевтің басылымы (@marat_sultangaziyev) Шара барысында балалар мемлекеттік рәміздердің авторлары, олардың мәні және Қазақстанның халықаралық деңгейдегі жетістіктері туралы сұрақтар қойды. Кездесу ашық диалог форматында өтіп, жас қатысушылар өз ойларын еркін жеткізуге мүмкіндік алды Өңір басшысы мұндай кездесулер өскелең ұрпақтың бойында патриоттық құндылықтарды қалыптастыруда маңызды рөл атқаратынын атап өтті «Мемлекеттік рәміздер – тәуелсіздігіміздің, бірлігіміз бен отаншылдығымыздың белгісі, оларды құрметтеу – Отанға деген құрметтің көрінісі», – деді Марат Сұлтанғазиев Облыс әкімдігі жыл сайын 4 маусымда Мемлекеттік рәміздер күні аталып өтетінін еске салып, бұл күні еліміздің түкпір-түкпірінде қазақстандықтар арасында ұлттық құндылықтарға деген құрметті нығайтуға және өскелең ұрпаққа патриоттық тәрбие беруді күшейтуге бағытталған іс-шаралар өткізілетінін еске салды Фото: Алматы облысының әкімдігі Қазақстандағы және әлемдегі оқиғалар туралы ең маңызды нәрселер