Нахчыванның энергетикалық жүйесі халықаралық стандарттарға сәйкестендірілді ВИДЕО

«AzerEnergy» Нахчыван Автономиялық Республикасындағы энергетикалық инфрақұрылымды түбегейлі жаңартып, цифрлық және интеллектуалды басқаруға негізделген заманауи энергетикалық жүйені құруда ҚазАқпараттың аймақтағы тілшісі жоба аясында өңірді энергиямен қамтуда маңызды рөл атқаратын 110 киловольттық «Нахчыван», 154 киловольттық «Бабек» және 1 киловольттық «Чешебасар» қосалқы стансалары толығымен қайта салынып, жұмыстар соңғы кезеңге жетті деп хабарлайды ҚазАқпарат Атап айтқанда, «Нахчыван» қосалқы стансасы аймақтағы бірінші жабық типтегі қосалқы станция ретінде салынып жатыр, бұл қауіпсіздік пен жедел басқаруды айтарлықтай арттырады. Бұл ретте энергетика жүйесін цифрландыру бағытында маңызды қадамдар жасалуда «AzerEnergy» Өңірлік цифрлық басқару орталығының құрылысы жалғасуда, жұмыс істеп тұрған станция мен қосалқы станциялар бір SCADA желісіне біріктіріледі. Бұл инновациялар энергия желісін қашықтан операциялық және толық цифрлық басқаруды қамтамасыз етеді Тасымалдау желісі де кезең-кезеңімен жаңартылуда. Өткен ғасырдың 50-жылдарындағы 110 киловольттық әуе желілері заманауи электр беру желілеріне ауыстырылуда. Бастапқы кезеңде жалпы ұзындығы 69 шақырымды құрайтын «Джульфа», «Ордубад-1» және «Ордубад-2» электр беру желілері екі контурлы болып қайта жаңғыртылды. Сондай-ақ, тұрғын үй алаптары арқылы өтетін кейбір әуе желілерінің 5,2 шақырымы заманауи қалалық үлгіге сай жерасты кабельдік желілеріне ауыстырылуда Нахчыванды елдің негізгі энергетикалық жүйесімен байланыстыру және Әзірбайжан-Түркия-Еуропа энергетикалық дәлізін қалыптастыру бағытында да жұмыстар қарқынды жүріп жатыр. Соның аясында Жабрайылдан бастау алатын қуаты 1000 мегаватт болатын 330 киловольттық жоғары вольтты электр жеткізу желісі салынуда. Жобаның келесі кезеңінде Зәңгезүр дәлізімен өтетін 44 шақырым қашықтықта қосымша электр беру желісі салынады. Осы арқылы Нахчыванның халықаралық энергетикалық дәліздегі стратегиялық орны ең жоғары деңгейге көтеріледі 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек