Түркістанда 512 отбасына жаңа пәтер кілттері табыс етілді

Өткен жылы облыста 3564 отбасы пәтер кілтін алды Жаңа тұрғындардың қуанышымен бөлісіп, баспана кезегінде тұрған азаматтарға жаңа пәтерлердің кілтін табыстау үшін Түркістан облысының әкімі Нұралхан Көшеров арнайы келді — Сіздерді көптен күткен, әсерлі оқиғамен шын жүректен құттықтаймын! Бүгін жүздеген отбасының арманы орындалған ерекше күн. «Үй бар болса, береке бар» деп бекер айтылмаған. Расында, баспана – әрбір отбасының бақыты, берекесі, тұрақтылығы мен тыныштығының негізі. Мемлекет басшысы Қасым-Жомарт Кемелұлы Тоқаев халықтың әл-ауқатын арттыруды және азаматтарды баспанамен қамтамасыз етуді өзінің басым бағыттарының қатарына ұдайы қояды. Осы тапсырмаларды дәйекті жүзеге асырудың арқасында өңірде тұрғын үй құрылысы қарқынды дамып, мыңдаған азаматтардың баспана мәселесі шешілуде. Өткен жылы тұрғын үй кезегінде тұрған азаматтарға 3564 пәтер берілсе, биыл тағы 2292 отбасын баспанамен қамтамасыз ету жоспарлануда. Бүгін тағы 512 отбасы қоныс тойының қуанышы болды. Бұл үйлердің жайлылығы мен абаттануы көп жағдайда тұрғындардың өздеріне байланысты. Сондықтан, аулаларыңызды мұқият күтіп, абаттандыру мен көгалдандыру жұмыстарына белсене атсалысуға шақырамын. Мұнда балаларыңыз өсіп, білім алып, ойнайды. Мемлекет басшысының бастамасымен жүзеге асырылып жатқан «Таза Қазақстан» бағдарламасына қолдау көрсете отырып, әрқайсымыз туған жеріміздің тазалығы мен гүлденуіне үлес қосуымыз керек. Шаңырақтарыңызда әрқашан бақыт, береке, береке орнасын! Қоныс тойларыңыз құтты болсын! – деп атап өтті Нұралхан Көшеров «Жібек жолы» тұрғын үй кешенінің жаңа тұрғындарының арасында халықтың әлеуметтік осал санаттары мен көп балалы отбасылардың өкілдері бар 2025 жылғы 24 мамырда күшіне енген тұрғын үй заңнамасындағы өзгерістерге сәйкес тұрғын үйге мұқтаж азаматтарды тіркеу, кезекті сақтау және тұрғын үйді бөлу функциялары «Отбасы Банкі» АҚ-на берілді Пәтер кілтін алған азаматтар бүгін жаңа жүйенің алғашқы қатысушылары болып «Отбасы Банкі» АҚ арқылы іріктеуден өтіп, жолдама алды