Қазақстан Газа секторының әлеуметтік инфрақұрылымын қалпына келтіруге көмектесуге дайын екенін растады

Қасым-Жомарт Тоқаев Қазақстанның Бейбітшілік кеңесіне қатысуының маңыздылығын атап өтіп, еліміздің ұйым аясында жемісті ынтымақтастық орнатуға деген ұмтылысын ерекше атап өтті «Бейбітшілік кеңесінің негізін қалаушылардың бірі ретінде біз бұл институт жаһандық бейбітшілік пен қауіпсіздікті нығайтуға тиімді үлес қосатынына сенімдіміз», - деді Мемлекет басшысы Кездесу барысында тараптар Қазақстанның Газа секторындағы жағдайды тұрақтандыруға көмектесу жөніндегі бастамаларын, оның ішінде әлеуметтік инфрақұрылымды қалпына келтіру жобаларына қатысу, білім беру және денсаулық сақтау саласындағы бастамаларды жүзеге асыру, азық-түлік қауіпсіздігін қолдау мәселелерін талқылады Арье Лайтстоун Мемлекет басшысы мен Қазақстан халқын Мемлекеттік рәміздер күнімен құттықтап, елімізге тыныштық пен гүлдену тіледі Шенеунік сондай-ақ АҚШ Президенті Дональд Трамптың Қасым-Жомарт Тоқаевқа ыстық сәлемін жеткізді. Бейбітшілік кеңесінің өкілі Қазақстанның ұйымға белсенді қатысуын және басқа да халықаралық бастамаларды, соның ішінде Авраам келісімдеріне қосылу шешімін жоғары бағалады Сондай-ақ тараптар көлік және логистика саласындағы ынтымақтастық перспективаларын, соның ішінде TRIPP бастамасын және Орта дәліз аясындағы өзара іс-қимылды талқылады. Қазақстанның өңіраралық байланысты нығайтуға және халықаралық көлік бағыттарын әртараптандыруға мүдделілігі ерекше атап өтілді Кездесу қорытындысы бойынша екі тарап екіжақты және көпжақты мәселелердің кең ауқымы бойынша ынтымақтастықты тереңдетуге дайын екендіктерін қуаттады Ағымдағы жылдың қаңтарында Қазақстан Президенті Қасым-Жомарт Тоқаев АҚШ Президенті Дональд Трамптан жаңадан құрылған Газа Бейбітшілік Кеңесіне қосылуға және Қазақстанды оның негізін қалаушы мемлекеттердің бірі болуға ресми шақыру алды 22 қаңтарда Давостағы Дүниежүзілік экономикалық форум аясында Газа секторын бітімгершілік келісімі аясында құрылған Бейбітшілік кеңесінің хартиясына қол қойылды 19 ақпанда ұйымның ұлықтау отырысында сөйлеген сөзінде Президент Тоқаев Бейбітшілік кеңесі жаңа шындыққа сәйкес келетінін және бар көпжақты күш-жігерді күшейтетінін мәлімдеді