Қазақстан мен Испания Астанада саяси консультациялар өткізеді

Сыртқы істер министрлігінің ресми өкілі Ерлан Жетібаевтың айтуынша, 16 маусымда Астанада Қазақстан мен Испания сыртқы істер министрліктері арасындағы саяси консультациялардың сегізінші раунды өтеді Кездесуге Қазақстан атынан Сыртқы істер министрінің орынбасары Арман Исетов қатысады. Испания делегациясын Сыртқы және жаһандық істер жөніндегі мемлекеттік хатшы Диего Мартинес Белио басқарады «Консультациялар барысында саяси диалогты дамыту, сауда-экономикалық және инвестициялық байланыстарды нығайту, мәдени-гуманитарлық өзара іс-қимылды кеңейту, сондай-ақ өзекті халықаралық және өңірлік мәселелерді қоса алғанда, Қазақстан-Испания ынтымақтастығының кең ауқымды мәселелері талқыланады», - деді Жетібаев брифингте Саяси консультациялармен қатар, Астанада екі елдің мемлекеттік қайраткерлері, кәсіпкерлер мен сарапшылары бас қосатын Қазақстан-Испания форумының бірінші сессиясы өтеді «Форум перспективалы бірлескен жобаларды ілгерілету және басым бағыттар бойынша ынтымақтастықты кеңейту күтілуде», - деді Жетібаев ҚР Сыртқы істер министрлігі алдағы іс-шаралар жаңа бірлескен бастамаларды бастауға және Қазақстан мен Испания арасындағы стратегиялық серіктестікті одан әрі дамытуға ықпал етеді деп үміттенеді Бұған дейін ҚазАқпарат Германияның Экономика және энергетика жөніндегі федералдық министрі Катерина Райхе мен Парламенттің мемлекеттік хатшысы Штефан Руенхоффтың маусым айында Қазақстанға сапармен келеді деп хабарлаған болатын