Қазақстандықтарға интернетте балағат сөздер айтқаны үшін айыппұл салынуы мүмкін - Бектенов

Қазақстанда интернетте әдепсіз сөздер үшін әкімшілік жауапкершілік енгізілуі мүмкін. Бұл туралы Премьер-Министр Олжас Бектенов тәрбиелік мәні бар тренингтер мен іс-шараларда балағат сөздерді көпшілік алдында қолдану фактілеріне құқықтық және этикалық баға беру туралы депутаттық сауалға берген жауабында айтты «Бүгінгі таңда «Қазақстан Республикасының Әкімшілік құқық бұзушылық туралы кодексіне онлайн-платформалар мен бұқаралық ақпарат құралдары мәселелері бойынша өзгерістер мен толықтырулар енгізу туралы» Қазақстан Республикасы Заңының жобасы әзірленді. Заң жобасында Әкімшілік кодекстің жоғарыда аталған 434-бабын толықтыру арқылы онлайн-платформаларда әдепсіз сөздер айтқаны үшін әкімшілік жауапкершілік белгілеу көзделген. Заң жобасы биылғы жылы заң шығарушы органда қаралады (заң шығарушы органға ағымдағы жылдың маусым айында енгізу жоспарлануда)», - деді Бектенов Үкімет басшысы қолданыстағы заңнамада қоғамдық орындарда әдепсіз сөздер мен қоғамдық тәртіпті бұзатын басқа да әрекеттер үшін жауапкершілік қарастырылғанын еске салды «Мұндай мінез-құлық жиырма айлық есептік көрсеткіш мөлшерінде айыппұл салуға немесе 20-дан 60 сағатқа дейінгі мерзімге қоғамдық жұмыстарға тартуға не бес күннен 15 тәулікке дейінгі мерзімге әкімшілік қамаққа алуға әкеп соғады», - деді Премьер-Министр Бектеновтың айтуынша, ұсынылған түзетулер ұқсас ережелерді онлайн платформаларға да таратады. Заң жобасын парламентке маусым айында енгізу жоспарлануда, ал оның қаралуы осы жылдың соңына дейін күтілуде