Израиль мен АҚШ 2028 жылдан кейін қорғаныс саласындағы жаңа серіктестік туралы келіссөздерді бастады

Израиль Қорғаныс министрлігінен жасалған мәлімдемеде Израиль мен АҚШ-тың 2028 жылы аяқталатын екі жақты қорғаныстық көмек келісімінің орнына келетін жаңа қауіпсіздік серіктестік шеңбері туралы ресми келіссөздерді бастағаны атап көрсетілді Мәлімдемеде алғашқы кездесудің осы аптада өткізілгені, алдағы апталарда Израиль мен АҚШ-та жаңа кездесулердің жоспарланғаны айтылды Премьер-министр Биньямин Нетаньяху мен Қорғаныс министрі Израил Катцтың тапсырмасымен басталған келіссөздердің мақсаты ғылыми-зерттеу және тәжірибелік-конструкторлық жұмыстар мен қорғаныс өндірісіне бірлескен инвестицияларды кеңейту, сондай-ақ екі ел арасындағы стратегиялық ынтымақтастықты тереңдету арқылы Израильдің әскери әлеуетін нығайту болып табылатыны атап өтілді 1998 жылы алғаш қол қойылған Израиль мен АҚШ арасындағы қауіпсіздік келісімі шамамен 10 жыл аралығымен жаңартылды Қол жеткізілген келісім аясында АҚШ Израильге 1998 жылы 10 жылдық кезеңде 21,3 миллиард доллар, 2008 жылы 10 жылдық кезеңде 32 миллиард доллар және 2016 жылғы келісімде 10 жылдық кезеңде 38 миллиард доллар көлемінде әскери көмек көрсетуге келісті АҚШ әкімшілігі 2016 жылы қол қойылған келісім бойынша міндеттеген 38 миллиард доллардың 33 миллиард долларын әскери техника сатып алуға және 5 миллиард долларын зымыранға қарсы қорғаныс жүйелеріне бөлді