Израиль кемелерді Ливанның оңтүстік суларынан кетуге шақырды

Израиль қорғаныс күштері Ливанның оңтүстік жағалауындағы кемелерді «Хезболла» тобының күштеріне қарсы жоспарланған шабуылына байланысты солтүстікке қарай жүзуге шақырды Бұл туралы Израильдің бұқаралық ақпарат құралдары армияның ресми өкілі Авихай Эдридің мәлімдемесіне сілтеме жасап хабарлады «Хезболланың қызметі Тир мен Рас-ән-Накура арасындағы теңіз аймағындағы кемелерге қауіп төндіреді, бұл Израиль армиясын теңіз суларында оған қарсы әрекет етуге мәжбүр етеді», - деді ресми өкіл Ол картада белгіленген теңіз аймағында зәкірге бекітілген немесе жүзіп келе жатқан барлық кемелер дереу солтүстікке қарай жылжу керектігін баса айтты Еске сала кетейік, АҚШ пен Израиль 28 ақпанда Иранға қарсы әскери операциясын бастап, бірқатар қалаларға әуеден соққы берген болатын. Сол күні Иранның рухани көсемі Әли Хаменеи соққылардың салдарынан қаза тапты. Бұған жауап ретінде Иран Израиль аумағына зымыран ұшырып, Парсы шығанағы елдеріндегі АҚШ әскери базаларына шабуыл жасады. Жағдайға байланысты аймақтың кейбір штаттары әуе кеңістігін уақытша жауып тастады «Хезболла» Иран жағында соғысқа қосылып, Израильге зымырандар мен ұшқышсыз ұшақтарды атқылаған кезден бері Израиль әскерилері радикалды топтың инфрақұрылымы орналасқан Ливанның оңтүстігі мен Бейруттің оңтүстік маңындағы елді мекендерге соққы берді және соғуын жалғастыруда. Израиль де Ливанның оңтүстігіндегі жерүсті операциясын кеңейтті Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет