Алматыда Рәміздер күніне орай мемлекеттік ту салтанатты түрде көтерілді

Патриоттық шараға Алматы қаласының әкімі Дархан Сатыбалды, мәдениет және спорт қайраткерлері, мәслихат депутаттары, қоғам, Қазақстан халқы Ассамблеясы, сондай-ақ жастар ұйымдарының өкілдері қатысты. Салтанатты шараға барлығы бір жарым мыңнан астам адам қатысты Ресми бөлімнен кейін мереке шығармашылық ұжымдар мен өнерпаздардың қатысуымен концерттік бағдарламамен жалғасты Сондай-ақ қаланың барлық аудандарында салтанатты шаралар мен Мемлекеттік Әнұран орындалды. Алматы тұрғындары саябақтарда, мектептерде және басқа да қоғамдық орындарда мемлекеттік рәміздер мен ел бірлігінің маңыздылығына тоқталып, әнұранды орындады Мереке аясында қалада тақырыптық іс-шаралар: конференциялар, жастар шақырулары және танымдық іс-шаралар ұйымдастырылды. Арбаттағы және «Алматы» қонақүйіндегі ғимараттардың қасбеттеріне мемлекеттік тулар орнатылды Мерекелік бағдарламаның соңы Көк-Төбеде қазақтың танымал өнерпаздарының қатысуымен өтетін Open Air концерті болмақ