Мемлекет басшысы Кипрді Транскаспий дәлізі жобасына қатысуға шақырды

Мемлекет басшысы Қасым-Жомарт Тоқаев кипрлік әріптестерді Транскаспий дәлізі жобасына қосылуға шақырды, деп хабарлайды ҚазАқпарат тілшісі Мемлекет басшысы Қасым-Жомарт Тоқаев кипрлік әріптестерді Транскаспий дәлізі жобасына қосылуға шақырды, деп хабарлайды ҚазАқпарат тілшісі — Біз президент Никос Христодулидеспен мазмұнды келіссөздер жүргіздік. Біз өзара іс-қимылымызды нығайтудың жаңа бағыттарын талқыладық. Өзара тауар айналымын арттыруға ерекше көңіл бөлінді. Сауда-саттықты арттыру, инвестициялық қарым-қатынастарды дамыту және іскер топтар арасындағы байланысты одан әрі нығайту қажеттігін атап өтті. Бұл маңызды міндет», - деді Қазақстан Президенті Кипр Президентімен келіссөздердің қорытындысы бойынша БАҚ өкілдеріне арналған брифинг барысында Мемлекет басшысы Қазақстан мен Кипр арасындағы экономикалық ынтымақтастықтың жол картасын әзірлеуді ұсынғанын атап өтті. Сондай-ақ үкіметаралық комиссия мен іскерлік кеңес құру туралы бастамалар көтерілді. Бұл қадамдар бірлескен жобаларды жүзеге асыруға, өзара тауар айналымын арттыруға және бизнестің жаңа мүмкіндіктерін ашуға мүмкіндік береді — Біз логистика, қаржы, туризм және цифрлық технологиялар салаларындағы өзара іс-қимылымызды перспективалы деп санаймыз. Үкіметтерге осы салаларда нақты шаралар қабылдауды тапсыру туралы келісімге қол жеткізілді», - деді Қасым-Жомарт Тоқаев Сонымен қатар, Мемлекет басшысы кипрлік әріптестерді Транскаспий дәлізі жобасына қатысуға шақырды – Өздеріңіз білетіндей, Кипр әлемдік деңгейдегі теңіз хабы болып табылады. Орта дәліз аясында Қазақстанның жердегі инфрақұрылымы мен Кипрдің теңіз инфрақұрылымын тиімді біріктіру үшін үлкен мүмкіндіктер ашылады. Бұл қадам Орталық Азия, Каспий өңірі және Жерорта теңізі арасында жаңа көпвекторлы логистикалық жүйені қалыптастыруға мүмкіндік береді, сондай-ақ өзара сауда алмасуды арттыруға ықпал етеді, деп есептейді Мемлекет басшысы