Балқаш әуежайы күрделі жөндеуден кейін қолданысқа берілді

Енді Балқаш қаласына Астана мен Алматыдан тікелей ұшақ арқылы қатынауға болады. Мемлекет басшысының тапсырмасымен Балқаш қаласының әуежайы толығымен күрделі жөндеуден өтіп, қолданысқа берілді. Әуежай алғашқы жолаушыларын сый-құрметпен қарсы алып, дәм ұсынды.Жандос Бақытұлы, тілші:Дәл қазір Астана-Балқаш арасындағы алғашқы әуе рейсі күрделі жөндеуден өткен Балқаш әуежайына келіп қонды. Көріп тұрғандарыңыздай ұшақ жолаушыға толы. Яғни сұраныс та бар. Сол үшін жаз айларында әр күн сайын әуе рейсі қатынайтын болады.3 жыл бойы жөндеуде тұрған ескі әуежайға бүгін қайтадан жан біткендей. Жүктерін арқалап, алып шаһарға аттанған жолаушылардың қарасы қалың. Әуежай алдымен Балқаштықтарды Алматыға шығарып салып, артынша елордадан келген алғашқы әуе рейісін қарсы алды.Серік Қасымбеков, Балқаш қаласының тұрғыны:Әуежайымыз жаңадан салынып, бірінші рейспен Астанадан келіп жатырмыз. Өте тамаша. Алматы-Астана ашылып жатыр. Тағы басқа рейстер ашылады деген ойдамыз. Астана-Алматы жолы тамаша, сондықтан туристеріміз 2-3 есе көбейеді деген ойдамыз.Иә, ең басты мақсат отандық туризімді дамыту. Сондықтан да билет бағасы қол жетімді - 16 000 теңге. Ол үшін әуе компанияларына жыл соңына дейін 300 миллион теңгеден аса субсидия бөлінді. Тұрғындар жазғы маусымда күн сайын Астанаға, аптасына 6 рет Алматыға қатынай алады.Сапар Сатаев, Балқаш қаласының әкімі:Осы жерге жеке маршрут аштық. Ұшақтардың ұшып келіп, ұшып кететін уақытында қаладан жеке маршрут келеді. Келешекте Торанғалық, Шұбартүбекке арнайы туристерге маршрут ашамыз. Осы жерден тікелей маршруттар жүретін болады.Балқаш әуежайы 1967 жылы салынған. Содан бері ғимарат мүлде жөндеу көрмеген. Туризм бағытын дамыту үшін 2024 жылы 114 мың шаршы метр ұшу жолағы бетондалды. Одан кейін жолаушыларға арналған қосымша ғимараттар салынып, ескісі толығымен жөндеуден өтті. Оған 3 миллиардтан аса қыржы жұмсалған.Мақсат Мұқашев, облыстық Жолаушылар көлігі және автомобиль жолдары басқармасының басшысы:Ең алдымен ғимараттың байырғы сәулетін сақтап қалу маңызды болды. Сол үшін біршама жұмыстар атқардық. Барлық қажетті құрылғылар сатып алынды. Жөндеу кеткен қаражаттың бір бөлігі қайтарылған активтер есебінен алынды.Алдағы уақытта Жезқазған, Шымкент, Түркістан бағытына жаңа әуе рейістері қосылмақ. Бұл өңірдегі туризм бағытын дамытуға жасалған үлкен қадам, әрі жаңа мүмкіндік дейді, жауаптылар