Түркістан облысында екі бала суға батып кетті

Қайғылы оқиға Түркістан облысының Еңбекші ауылында болды. Алдын ала мәлімет бойынша, 2013 және 2018 жылы туған екі бала ересектердің қарауынсыз қалып, ойнап жүріп Ошақты суару каналына қатты ағынмен құлап кеткен «Іздестіру жұмыстарына Түркістан облысы Төтенше жағдайлар департаменті, Полиция департаменті және жеке құрамның 73 адамы, 11 техника және екі су көлігінен тұратын жедел-құтқару жасағының күштері мен құралдары жұмылдырылды», - деді облыстық төтенше жағдайлар департаментінің инженері, азаматтық қорғау подполковнигі Фурқат Жолдасов Тәулік бойы іздестіру жұмыстары жүргізілді. 31 мамырда құтқарушылар судан ең кішкентай, сегіз жасар баланы тауып алып, шығарды. Келесі күні 2013 жылы туған екінші ұл баланың мәйіті табылды Төтенше жағдайлар департаментінің мәліметінше, 2026 жылдың басынан бері Түркістан облысында 16 адам суға батып кеткен, қаза тапқандардың 12-сі кәмелетке толмағандар. Қайғылы жағдайдан кейін ата-аналарға судағы қауіпсіздік ережелері тағы да ескертілді «Төтенше жағдайлар министрлігі ата-аналарды балаларын қараусыз қалдырмауға және су қоймалары мен каналдар маңында қауіпсіздік ережелерін қатаң сақтауға шақырады», - деп атап өтті ведомстводан Бұған дейін Ақмола облысында бір күнде балалардың қатысуымен су қоймаларында екі оқиға орын алғаны хабарланған болатын. Оқиғалардың бірінде 10 жасар бала қайтыс болды