Атырауда Мемлекеттік рәміздер күні салтанатты түрде аталып өтті

Оған облыс әкімі Серік Шәпкенов, депутаттар, мемлекеттік және құқық қорғау органдарының өкілдері, ардагерлер, жастар мен қала тұрғындары қатысты Мемлекеттік мерекеге жиналған тұрғындар Мемлекеттік Әнұранды бірге шырқады Жиналғандар алдында сөз алған облыс әкімі Серік Шәпкенов патриотизм мен ел бірлігін нығайтуда мемлекеттік рәміздердің алатын орны ерекше екенін атап өтті — Қазақстан Республикасының Президенті Қасым-Жомарт Тоқаев мемлекеттік рәміздер халқымызды ортақ мақсаттар жолында біріктіретінін, ұлттық рухты нығайтып, патриоттық сезімді тәрбиелейтінін бірнеше рет атап өтті. Мемлекеттік рәміздерді құрметтеу өз еліңді құрметтеуден басталады. Әрбір азамат – кішіден үлкенге дейін рәміздерімізге ұқыптылықпен қарайтын болса, бұл Отанға деген шынайы сүйіспеншіліктің көрінісіне айналады. Туымыз әрқашан мақтанышпен желбіреп, Әнұранымыз жаңа ұрпаққа рух беріп, Қазақстанның Тәуелсіздігі тұғырлы, мызғымас болсын деп тілеймін», – деді Серік Шәпкенов Мерекелік шара облыстың шығармашылық ұжымдарының қатысуымен өткен концерттік бағдарламамен аяқталды