CNN: Иран уран қорына баратын туннельдерді қиратып, кіреберістерді қазды

Соңғы апталарда Иран Исфахандағы жоғары байытылған уран қоймасын жабу шараларын күшейтті. Америкалық барлау ақпаратынан хабардар дереккөздердің CNN телеарнасына хабарлауынша, қоймаға апаратын туннельдер қирап, олардың кіреберістері миналанған Телеарна сұхбаттасушыларының айтуынша, қазір уран қорына жету әлдеқайда қиын әрі қауіпті, оның ішінде ирандықтардың өздері үшін. Ол үшін ауыр экскаватор техникасы мен миналарды тазарту жұмыстары қажет болады Ираннан уран қорын шығару – Вашингтонның Теһранға қоятын талаптарының бірі. Жұма күні Трамп әкімшілігінің ресми өкілі екі тарап Иранның байытылған уранды Америка Құрама Штаттарына беруін талап ететін келісімге келе жатқанын айтты. Оны орнында қиратып, кейін елден алып кетеді деген болжам бар Дегенмен, екі тараптың ресми өкілдері алдын ала келісімге қатысты бұған дейін қарама-қайшы ақпарат берген, ал оның нақты шарттары әлі белгісіз АҚШ шенеуніктерінің мәліметінше, Иранда шамамен 440 келі жоғары байытылған уран бар, оның көп бөлігі Иранның Исфахан қаласындағы бір нысандағы жерасты туннельдерінде. Байыту деңгейі 60 пайызды құрайды – қару жасау үшін бұл көрсеткішті 90 пайызға дейін арттыру керек CNN хабарлауынша, мамыр айының ортасында АҚШ әскері уранды жою операциясын жүргізуге дайын болған. Алайда АҚШ президенті Дональд Трамп бұл операцияның Ираннан қатал кек алуы және соғысты ұзартуы мүмкін екенін ескерткен соң операцияны тоқтатты Azattyk Asia © 2026 Азаттық радиосы, Inc. | Барлық құқықтар қорғалған