Ақтөбе облысында төрт ауылдық округ әкімі сайланды

Ырғыз ауданы Қызылжар ауылдық округінің әкімі болып Аслан Жәнібекұлы сайланды. Оны «Аманат» партиясы ұсынған. Ауылдағы 1200-ге жуық адам сайлауға қатысуға құқылы. Олардың 800-ден астамы өз таңдауын жасады. Нәтижесінде Ырғыз ауданы Құрылыс ауылының тұрғыны көп дауысқа ие болып, оған 493 сайлаушы дауыс берді Сондай-ақ Хромтау ауданына қарасты Құдықсай және Тасөткел ауылдық округтерінің әкімдері сайланды. Құдықсай ауылдық округі бойынша сайлаушылар тізіміне небәрі 181 азамат енгізілген. Оның ішінде 66 адам дауыс берді. Хромтау аудандық аумақтық сайлау комиссиясының мәліметі бойынша, Мұрат Талдықбаев 46 дауыс жинап, әкім болып сайланды. Ол бұған дейін Құдықсайдағы негізгі мектеп директорының орынбасары қызметін атқарған. Тасөткел сайлау округі бойынша сайлаушылар тізіміне 281 азамат енгізіліп, 152-сі дауыс берді. «Ауыл» партиясынан ұсынылған Асылбек Баймурзин көпшілік дауысқа ие болды Темір аудандық аумақтық сайлау комиссиясының мәліметінше, Қайыңды ауылдық округі депутаттығына 36 жастағы Раман Рашен сайланды. Ол бұрын бұл қызметте жұмыс істеген. Ауылда сайлаушылар тізіміне 417 адам енгізілсе, оның 252-сі Раман Рашевке дауыс берді Бұған дейін Ақтөбе облысында осы аптада Темір ауданы Кеңқияқ ауылдық округіне өз-өзіне қол жұмсаған бұрынғы әкімнің орнына жаңа әкім сайланатыны хабарланған болатын. Сайлау 14 маусымға белгіленген