Ali Məhkəmə qərarı ləğv etdi, amma məhkəmə geri addım atmadı: Sevgilisini döyərək ölümünə səbəb olan Mustafa Bəngizlə bağlı qərar verildi

29 iyun 2023-cü ildə baş verən şiddət hadisəsində Esra Asena Temir sevgilisi Mustafa Bəngiz tərəfindən döyülərək ağır yaralanıb. Beyinə qan sızan gənc qadın müalicə aldığı xəstəxanada dünyasını dəyişib İstintaq və məhkəmə mərhələsində irəli sürülən iddialara görə, Mustafa Bəngiz huşsuz vəziyyətdə olan gənc qadını xəstəxanaya aparmayıb. Müttəhimin Temiri yol kənarında tərk etdiyi, gənc qadının daha sonra yaxınlarının səyi ilə xəstəxanaya aparıldığı iddia edilib İlkin məhkəmə prosesinin nəticəsi olaraq yerli məhkəmə təqsirləndirilən şəxsi təqsirli bilib və ona ağırlaşdırılmış ömürlük həbs cəzası verib Yerli məhkəmənin verdiyi bu cəza faylı etirazlar üzərinə Ali Məhkəməyə daşındı. Yüksək məhkəmə baxışında yerli məhkəmənin qərarını müttəhimin öldürmək niyyətinin aydın şəkildə müəyyən edilə bilmədiyini əsas gətirərək ləğv etdi. Qərarın ləğvindən sonra işin materiallarına həmin məhkəmədə yenidən baxılmağa başlanıb Yenidən keçirilən prosesdə müdafiə çıxışı edən təqsirləndirilən Bəngiz qətl törətmək niyyətinin olmadığını iddia edərək, məhkəmədən onun azadlığa buraxılmasını istəyib. Temir ailəsi isə işin əvvəlindən tutduqları mövqeyi davam etdirərək, müttəhimin qəsdən adam öldürmə maddəsi ilə cəzalandırılmasını istəyib. İclasda çıxış edən prokuror da öz rəyində ailənin vəsatəti ilə eyni fikri bildirib Tərəflərin vəsatətlərini və prokurorun rəyini qiymətləndirən məhkəmə kollegiyası Ali Məhkəmənin ləğvetmə qərarını yerinə yetirməyib. Əvvəlki hökmündə israrlı olan məhkəmə bir daha Mustafa Bəngizin əməlinin “qadına qarşı qəsdən adam öldürmə” cinayəti təşkil etdiyinə qərar verib və müttəhimə ağırlaşdırılmış ömürlük həbs cəzası verib Mənbə: İhlas Xəbər Agentliyi