Hərbçi komada: Qırğızıstan prezidenti vəziyyəti şəxsi nəzarətinə götürüb

24KG xəbər verir ki, Qırğızıstan prezidenti Sadır Japarov insident nəticəsində yaralanan və vəziyyəti ağır olan hərbçinin vəziyyətini şəxsi nəzarətinə götürüb Bir müddət əvvəl komada olan əsgər anası oğlunun taleyinə diqqət yetirilməsi xahişi ilə dövlət başçısına müraciət edib Prezidentin mətbuat katibi Əsqət Alagözovun verdiyi məlumata görə, səhiyyə nazirinə təcili tibbi yardımın göstərilməsi üçün bütün zəruri tədbirlərin görülməsi tapşırılıb. Hərbçinin Bişkekə və ya lazım gələrsə xaricə daşınması imkanları nəzərdən keçirilir. O, həmçinin zərərçəkmişin anası Bktıgül Ajimatova ilə əlaqə saxladığını deyib Sərhəd Xidmətindən verilən məlumata görə, 2004-cü il təvəllüdlü hərbi qulluqçu Daniyar Nurbəyov Leylek rayonunda xidmət edib və idarə edərkən “UAZ-Pikap” markalı xidməti avtomobildən yıxılaraq xəsarət alıb İlkin məlumata görə, səbəb dağ yolunda avtomobillərin güclü silkələnməsi olub. Yıxıldıqdan sonra əsgər huşunu itirib Ona dərhal ilkin tibbi yardım göstərilib və Leylek rayon xəstəxanasının reanimasiya şöbəsinə yerləşdirilib. Həmin gün Oşdan həkim briqadası gələrək əməliyyat keçirib Hazırda əsgərin vəziyyəti stabil və ağır qiymətləndirilir. O, bütün lazımi müalicələri alır, həkimlər onun vəziyyətini gecə-gündüz izləyirlər. Xəstəxanaya təcrübəli neyrocərrah da göndərilib, Səhiyyə Nazirliyi ilə birgə məsləhətləşmələr aparılır Bişkekə daşınma imkanı nəzərdən keçirilir, lakin tibbi səbəblərə görə daşınma yalnız xəstənin vəziyyəti stabilləşdikdən sonra mümkün olacaq