Dağıstanda qaz kəmərində partlayış baş verib

Qızılyurt ərazisində Mozdok - Kazimaqomed qaz kəmərində partlayış baş verib, daha sonra yanğın başlayıb. Dağıstan Fövqəladə Hallar Nazirliyinin məlumatına görə, hadisə nəticəsində ölən və xəsarət alan olmayıb, yaxınlıqdakı yaşayış məntəqələrinin sakinləri təxliyə edilib İlkin olaraq Fövqəladə Hallar Nazirliyinin regional idarəsi üç partlayış barədə məlumat versə də, sonradan bir partlayışın olduğunu dəqiqləşdirib İdarədən verilən məlumata görə, hadisə rayonun Bavtuqay və Gəlbax kəndləri arasında baş verib. Alovun hündürlüyü 15 metrə çatıb. Bu məlumatları Qızılyurt rəhbərliyi də təsdiqləyib Hadisədən sonra istehlakçılara qaz verilişi dayandırılıb, qaz kəmərinin 57 kilometrlik hissəsi bağlanıb. Fövqəladə Hallar Nazirliyindən bildirilib ki, məşəlin yanması yerdə qalan qazın yanmasından sonra dayanıb Səlahiyyətlilərin məlumatına görə, ərazidən 140 nəfər təxliyə edilib. Hadisə yerində 25 təcili yardım işçisi və 7 texnika var. P-217 federal avtomobil yolunun keçdiyi Kızılyurt ərazisində nəqliyyatın hərəkətində çətinlik yaranıb; Hadisə yerinin yaxınlığında təcili yardım qrupları növbətçilik edir Yanğının səbəbləri hələlik rəsmi olaraq açıqlanmayıb. İlkin olaraq Fövqəladə Hallar Nazirliyi partlayışların Novı Sulakdakı Metan yanacaqdoldurma məntəqəsinin yaxınlığında baş verdiyini bildirib. Daha sonra mətbuatda hadisənin yanacaqdoldurma məntəqəsinin ərazisində baş vermədiyi barədə məlumat yayılıb Zədələnmiş hissə, məlumatlara görə, Dağıstanın yeddi rayonunu qazla təmin edən və Azərbaycana qaz ixracı üçün istifadə olunan Mozdok-Kazimaqomed qaz kəmərinə aiddir Səhv tapsanız, lütfən, mətn parçasını seçin və Ctrl+Enter düymələrini basın