Belçika İkinci Dünya Müharibəsi zamanı həlak olan soydaşlarımızın xatirəsini ehtiramla yad edib - FOTO

Azərbaycan Respublikasının Belçika Krallığındakı Səfirliyinin əməkdaşları İkinci Dünya Müharibəsi zamanı Belçika ərazisində həlak olmuş soydaşlarımızın xatirəsini ehtiramla yad ediblər AZƏRTAC xəbər verir ki, səfirliyin əməkdaşları Brüsselin Ever kommunasında qəbiristanlıqda sovet əsgərlərinin şərəfinə ucaldılmış abidəni ziyarət etmiş, abidə önünə əklil qoyaraq soydaşlarımızın xatirəsini ehtiramla yad etmişlər. Səfirliyin əməkdaşları həmçinin Belçikanın Kursel, Şarlerua və Bütgenbax şəhərlərindəki qəbiristanlıqlarda dəfn edilmiş soydaşlarımızın məzarlarını ziyarət edib, həlak olanların dəfn olunduğu yerlərə əklillər qoyublar